Guwahati, Aug 8: India-ni football kal·susaanio mingsing minggamako man·gipa Manisha Kalyan, Sukrobar salo Guwahati-ni Nehru Stadium-o ASMITA Under-13 Girls’ Football League-ko ong·atanio dongpae bak ra·angaha. Uni football national team ba dolo Salgro Salaram jolni sak 11 member-rang gnang ine aganenba ua chadambe sakantikon gisiko nange kal·china didiataha jedakode mikkangchi uamang Assam ba India a·songni palo robol kal·susaana gita man·gen.
Bilsi 23 ong·gipa Manisha Kalyan-an Indian me·chikrangoni UEFA-ni Women’s Champions League-o kal·chenggipa ong·an baksana Brazil-rang baksa kal·susaanio goal chipchenggipaba ong·a. ASMITA ian chadambe me·chikrangna dal·a jumangko nikna gita dingtangmancha aro gamchatbegipa chol ong·a ine ua aganangaha. Kalyan, an·tangni FIFA World Cup aro Olympic-o kal·susana skaniko parakatengon, namgipa kal·susaaniko dakanichi kal·susagiparang chubata gadangona sokna gita man·a ineba ua agandapangkuaha.
Ia kal·susaanio, ASMITA-ni gita Assam-oni seokako man·gipa Indian Women’s League Division 2-ni North East United FC-o Captain ong·enggipa Rekha Kataki aro national training camp-o bak ra·enggipa Dosomi Rowtia-ba iano dongpae bak ra·angpaaha.
Khelo India-ni ning·o 2021 bilsio a·bachengatgipa ASMITA a·song gimikon giproroangaha. Indake ong·engon, 2024-25 bilsio, Salgro Salaram jolo ming 25 me·chikrangni football league-o sak 1,600 kal·susagiparang bakko ra·angaha. India gimiko ming 27 kal·susaanina ming 550 league-rangko ong·atangaha jeon sak 53,000-na baten me·chik kal·susagiparang bak ra·angaha. Indake 2025-26 bilsio, ming 15 kal·susaanina ming 852 kal·susaanirangko ong·ate sak 70,000 me·chik chadamberangko bak ra·atna miksongenga.
Union Sports Minister Dr. Mansukh Mandaviya-ni dingtangmancha North East Game’s-ko a·bachengatna miksonganina chakpaaniko on·engon, India-ni kal·susaanina ian namen gamchatbegipa jol ong·a ineba Kalyan u·iatangkuaha.
Na·simang iakoba nina man·gen:
Na·simang iakoba poraina man·gen: Meghalaya-ni songrango an·seng-baljokaniko mangrakatanina VHC-rangni kam ka·anirang
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
