Shillong, Mar 28: Budhbar salo, April 19 tariko Lok Sabha Election-ko ong•atnasiengon, a•dokni Chief Secretary DP Wahlang, a•dok ning•o aro sima ari jolo on•gimin niamrang aro ge•etanirangko nipilaniko dakangaha.
Ia tom•aniko Shillong-ni Conference Hall Main Secretariat-o ong•atanio, Home (Police) Department-ni Addl. Chief Secretary, Dr. Shakil P Ahammed, Director General of Police, Dr. Lajja Ram Bishnoi, IPS, ERTS Department-ni Commissioner aro Secretary, Sanjay Goyal, Meghalaya-ni Chief Electoral Officer, Dr. BDR Tiwari, aro Election Department-ni official-rang, Secretary, Home (Police) Department, BSF Meghalaya-ni Inspector General Frontier Headquarters, State Police Nodal Officer, MK Singh dongpae bak ra•angaha.
Indake, Wahlang, re•baenggipa Lok Sabha Election-o neng•nikanirang dongama dongja sandion, DGP Dr. Lajja Ram Bishnoi, a•dok ning•o aro sima ari jolna on•gimin niam aro ge•etanirangni bidingo talate on•anangaha.
Unbaksana, sima ari jolo tom•tomaniko ra•bana Assam police dolrang baksa nangrime kam ka•engani bidingoba u•iatangjolaha.
Una agreba, sima ari jolo re•a doanirangko nirokanio jekai, meli nangrimgija ong•e bak ra•gijagipa dolrangkoba chel•chaksona aro patoko donatani, sima ariko napbaenggipa aro ong•katenggipa biaprango name nirokaniko, ia election-o pekatgipa bosturangko palaniko champengatani aro kam ka•enggiparangko chutti on•ani, NBW-ko dontongatanio, mikrake dongna nangani ja•kurangkoba chanchirimaniko dakangaha.
Indake, re•baenggipa April 3 tariko, Inter-state Border Meeting-ko ong•atna inenba Election Commission of India, tik ka•e donangaha.
Na·simang ia video-koba nina man·gen:
Na·simang iakoba poraina man·gen: Ichamatio CAA-na rally ong·atanio sak 2ko doke siata
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter-twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
