Shillong, Aug 7: Nok riknasienggipa manderang August 11 tarik dipetoni jakchi dorgasto galena nanggija nok rikani hukumrangna online galatna man·gnok ine Cabinet-o tom·aniko dakdilani ja·mano a·dokni skotong minister Conrad K Sangma ia koborko parakataha. Ia tom·anio nokrangko rikna hukumko ra·ani aro bading-chiwalanirangko dakani bewalrangko altubatatna gita, Meghalaya Building Byelaws, 2025-ko gnigipa changna taridapna ra·chakaha.
“Chinga da·o online building permission-ko ra·ani cholko ra·gatenga. August 11 tarikoni dipet, manderangko nokrangko rikna an·tangtang re·bana nanggija online galatna man·gen,” ine Sangma Bristibar salo kobor ra·timgiparangna aganaha.
“Low-risk building-rang chong·motan, 2500 sq ft-ooni 3000 sq ft baksa G+1 aro metre 7-ona kingking changrogipa manderangni dongchakani, bading-chiwalaniko dakchakani aro karkanarangko rikanirangna Meghalaya Urban Development Authority-oniko (MUDA) Technical permission-rang aro ra·chakanirangko nangjawa,” ine ua talataha.
Minister-ni aganani gitade, ia kamna seokako man·gipa architect-rang low-risk buildingrangna biaprangko nigrike tik ka·na man·gen.
“Na·a low-risk buildingko rikenga ong·ode, kamna seokako man·gimin architect-rang donggen jerangan website-rango an·tangni bimungko segatna man·gen aro uandake janapgimin gro-gipengrangko ja·rike low-risk dongchakani nok ba karkanarangko rikna man·na gita, an·tangtang attest ka·na man·gen ba sorkari-ni ning·o seokgimin engineer-rang ba architect-rangni rai-ko ra·e, onlie on·e, ra·chakaniko man·a skangan rikanirangko a·bachengatna man·gen. Unoni sal-30ni gisepon hukumko man·gen,” ine skotong minister taldapataha.
Dal·bata nokrangna (G+2 aro dal·ani 750 sq ft ong·aona kingking), rikanirangko dakna hukumko man·na gita, third-partyko verification agency-rangko nanggen ineba Sangma u·iataha.
“Uni gimin chinga manderangna nokrangko rikna hukumrangko altuae man·na gita kam ka·enga aro da·alo ia dingtangatanirangko cabinet-o ra·chakaha,” ine ua agandapaha.
Na·simang iakoba nina man·gen:
Na·simang iakoba poraina man·gen: M’laya sorkari jatni bewalo chu song·anina dakchakaniko on·a gital niamrangko ra·gata
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
