Shillong, March 27: Meghalaya a•doko sak 150 specialist doctor-rang chu•ongjaengania a•dok sorkarina jarengna nangani ong•enga ine Sombar salo, a•dokni Health & Family Welfare Minister Ampareen Lyngdoh parakataha.
Assembly-o sing•anirangna aganchakaniko on•angengon, a•doko sak 375 specialist doctor-rangna sanction post-rang dongachim aro ianoni sak 227 specialist doctor-rangsan kamrangko ka•enga ine Lyngdoh parakataha.
Medical Recruitment Board-ni gita gital kamrangko gapatanio sak 397 gital medical officer-rangko ra•aha aro ianoni sak 83-de specialist doctor-rang ong•a ineba Lyngdoh parakataha.
Sak 83 gital specialist doctor-rangko kamo ra•ahaoba da•o sak 150 specialist doctor-rangko nangkuengani gimin ian sorkarina jajrengna nangani ong•enga ine janapatengon, iani bidingo sorkari ta•raken ja•kuko de•anggen ine Health Minister, Assembly-na ku•rachakaniko on•angaha.
Ri Bhoi a•jao medical college-ko kulichina gita Nongpoh-ni UDP MLA Mayralborn Syiem-ni sorkariko mol•molanggipani gimin janapatskaengon, da•o dipet iako sorkari jako ra•e niengkua ine Lyngdoh parakataha.
Tangka paisarangko chamdape on•anichi a•doko PHC, sub centre aro uandakgipa sanchakram nokrangko sorkari rikdapna miksongenga ineba a•dokni Health & Family Welfare Minister parakataha.
