Guwahati, July 18: Assam a·dokni dingtang dingtang bakrango jeon mikka bitchirangko komie man·engachim aro neng·nikaniko man·engachim, iandakgipa biaprangna State Disaster Response Fund (SDRF)-ni ning·o neng·nikaniko man·enggipa game ge·e cha·enggipa manderangna tangka paisani gita dakchakaniko on·gen ine Assam Cabinet parakataha.
Assam a·doko mikka bitchirangko man·ani namen komiengani a·sel a·dokni dingtang dingtang bakrango game ge·e cha·giparang neng·nikaniko man·enga aro iandakgipa biaprangona dakchakaniko on·a miksonganio tangka paisarangko on·a a·dok sorkari tik ka·angaha.
Batanggimin July 13 tariko, a·dokni dam 12 a·jarango 60-99 % mangni gita mikka waani komigipao aro dam 12 a·jarango 20-59% mangni gita man·rongana bate mikka bitchirangko man·anirang komienga ine Indian Meteorological Department-oni parakataha.
Indake mongsongbate Assam a·dokni saliram jolrango 70 % mangni gita mikka bitchirangko man·jaenga ineba uamang janapataha.
Iandake game ge·e cha·enggiparangna dakchakaniko on·ana agreba, sanna bannaniko on·anio, tourism aro cha karkanarangoba dakchakaniko on·a Cabinet-o tik ka·angaha.
Indake, project-rangko kam ka·anio ta·rakbatatna aro a·arangko man·dapna gita, Assam Regulation of Reclassification aro Reclassification cum Transfer of Lands Act, 2015-o hydrocarbon bikotaniko watchanggalna on·gimin proposal-ko Cabinet-o ra·chakangaha. Oil India Ltd (OIL) aro ONGC company-rangna a·a para on·a ba a·a nokgiparangoniko a·a brena man·a gita gitcham niamrangkoba watchangalaha.
Indake gital auto-reclassification dakna aro tangka paisarangko gamna, online portal-ko Revenue Department-oni bikotanggen.
Assam a·doko cha bagan dakani bilsi 200 mang gapaniko gisik ra·ani bak gita, gong kror 342 tangkarangko, Mukhya Mantri Eti Koli Duti Paat Scheme-ni ning·o chamataha. Ia cha bagan aro karkanao sak lakh 7 mangni gita kam ka·e cha·giparang gnang aro uamangna sakprako gong 5,000 ka·e on·gen ineba janapataha.
Sanchakram nokrangko namdapatna gita, Advantage Assam 2.0-ni ning·o, multi-speciality hospital-ko rikna 3.5 acre-ni a·ako Global Health Ltd-na, me·chik aro bi·sarangko sanchakram nok rikna 1 acre-ni a·ako Lineage Healthcare Ltd-na aro karkana rikna gita 1.75 acre-ni a·ako RJ Corp Ltd-na on·a, sorkari ra·chakaha.
Na·simang iakoba nina man·gen:
Na·simang iakoba poraina man·gen: Dal•drobaenggipa me•tra saksako Williamnagar-o den•a, dos dakgipa kate chaka
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
