Tura, Jan 5: A·chikrangoni git ring·anina mingsinggipa aro Garo Hills-o niksenggipa band-rangoni Eye-to-Eye band-ko bikotdilgiparangoni saksa Bobby Moore K Marak, ru·utbea salrangna saaniko man·e, January-ni 3 tariko, Tura-ni Spring Hills gittimo donggipa uni noko, a·gilsakko watangaha.
Doka dam·anio aro git ring·anio saksa gisik nanggipa ong·an baksana ua, Meghalaya Police-oba Inspector-ni kamko ka·gipa ong·achim.
Eye-to-Eye band-ko bikotani ja·man Bobby Moore K Marak, India a·songni salgro salaram jol gimiko mingsinggipa ‘Seven Sisters’ gitko tariaha aro ia gitan uamangni band-ko tang·doatna a·bachengaha. Iani ja·man ua, Garo Hills-o manderangni namnikbegipa ‘A·ai, A·ai’, ‘Chanchinabe An·tangko Silbata Ine’ aro gipin gitrangko Eye-to-Eye dol baksa chipaha aro ia gitrang, Garo Hills-o bang·a manderangni gisikrangkon dangtapaha.
Bobby Moore K Marak sagina Sombar pringo bon·kame uni nokon mande ra·pilskaaniko dakangenba, uni manggisiko gope galaha aro una bon·kame mande ra·pilskaaniko dakatanio, Meghalaya Legislative Assembly-ni Speaker Thomas A Sangma, West Garo Hills a·jani Superintendent of Police (SP) Abraham T Sangma, Tura Fire & Emergency Service-ni SP Bruno A Sangma, uni nokdangni manderang, ripengskarang, noksul songsulrang aro gipinrangba dongpatokaha.
Na·simang iakoba nina man·gen:
Na·simang iakoba poraina man·gen: Tezu-o Akhand Bharat Sanatan Indigenous Seva Samiti-ko bikota, Tripura-ni chatroko so•otaniko jegala
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
