Shillong, Aug 20: Meghalaya-ni skotong minister-ni jikgipa MLA Dr. Mehtab Chandi Sangma, Subham Charitable Association team baksa bakrime zero waste period- She Rising project-ni gimin agangrikanirangko dakaha.
Sangma an•tangan Shubham-ni tarigipa reusable sanitary product-rangko niaha aro uamangni tarigimin bosturangnj rokom, niksamsoani aro on•kange kam ka•anirangko mitele aganangaha.
Iana skangba, Mehtab Chandi an•tangan unj constituency-ni ning•o dobggipa sak-1,600 skul napgipa chatrirangna International Women’s Day-o reusable pad-rangko indin sualataha.
Ia namgipa ja•ku de•aniara songo donggipa me•chikrangna janggi tangani cholkosan on•aija indiba king 8,00,000 single-use pad-rangko jaboldamrangona sokataniko komiataha.
Ian me•chik sakprako gong 3,500 tangkarangko koros ka•aniko komiate, tangkarangko rusiani aro samtangtangko nisiaoni jokataha.
Sangma-ni dilgipa ong•anichi me•chikrangni an•seng-baljokani, songo janggi tangani cholrangko dake cha•ani aro samtangtangko ripingani bakrimaniko mesokangaha.
Uandake Zero Waste Period project-ko dal•batatna aro Meghalaya-ni bang•bata ma•giparang aro me•chikrangko uko sokatna dakchakangkugen ine ua ku•chake on•angaha.
Subham Charitable Association-ko bikotgipa aro President ong•enggipa Pushpa Bajaj, aro unbaksa Sunita Chachan (Secretary), Kanak Goyal ( Chief Convenor), Vandana Singhania, (Shubham-ni tom•ani dilgipa), Silky Bajaj (Management-ni dilgipa) Payal Bajaj (Zero Waste Project-ni dilgipa), aro Grimchi Sangma (Shubham-ni skie on•timgipa) ia tom•anio bak ra•angaha.
Ia tom•anichi Meghalaya-ko bil gnangatna, tangsekbatatna, an•seng-baljokatna Shubham-ni miksonganiko mikkangchina ja•ku de•anganiko mesoka.
Na·simang iakoba nina man·gen:
Na·simang iakoba poraina man·gen: W’nagar JNV-o Youth Parliament-ko ong•ata
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
