Williamnagar, Aug 20: Budbar salo, chang 27-gipa Youth Parliament Competition-ko Williamnagar Jawahar Navodaya Vidyalaya (JNV)-ni Multipurpose Hall-o ong•atangaha aro ia program-o Meghalaya State Commission for Protection of Child Rights (MSCPCR)-ni Chairperson Agatha K Sangma, mongsonggipa sokgipa ong•e bak ra•angaha.
Ia Youth Parliament Competition-ko ong•atanio, East Garo Hills a•jani Deputy Commissioner RP Marak, Williamnagar JNV-ni Principal Ravi Kant, Baghmara JNV-ni Principal PK Gupta aro dingtang dingtang official-rangba bak ra•angtokaha.
Ia tom•anio MSCPCR-ni Chairperson Agatha K Sangma, jinmana aganprakengon, ia Youth Parliament-ara parliament-ni kamrangko chatro chatrirangna u•iatna aro chatro chatrirangni gisepo dilgipani gunrangko ong•atna gita Parliamentary Affairs Ministry-ni a•bachengatgipa program ong•a ine talataniko on•angaha.
An•tangni MP ong•e nikgimin kamrangni gimin talate on•angskaengon, songsalo saksa dilgipa ong•na gita gunrangko skie ra•china aro an•tangtangni ong•na sikenggipa kamrangna an•tangtango ka•donganiko ong•atchina gita Sangma, chatro chatrirangko didiangaha.
Iana skang, Williamnagar JNV-ni Principal Ravi Kant, ia Youth Parliament competition-ko ong•atani bidingo talate on•angengon, iandakgipa program-rangko ong•atani gamchatanikoba talate on•angjolaha.
Na·simang iakoba nina man·gen:
Na·simang iakoba poraina man·gen: Army baksa jolo songdonggipa manderang Upper Assam-o apsan bakrime kamko ka·anga
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
