Shillong, Nov 19: Meghalaya a•doko MLA scheme-rangko jakkalanirang tik ong•ama ong•jaenga, iako ma•sie ra•na gita jakgitele am•sandianirangko dakchina Voice of the People’s Party (VPP) dabiahani gimin MLA scheme-ni namgnirangko manderang man•jaenga ong•ode inquiry-ko dakna man•aigen aro iako darangba champengjaenga ine Budbar salo, United Democratic Party (UDP)-ni MLA Kyrmen Shylla parakataha.
Shylla-ni aganani gitade, iandakgipa sorkarini scheme-rangara, manderangni namgnina on•giminsa ong•ani gimin manderang namgniko man•na nanga aro banoba iandakgipa scheme-rangko manderang man•jaenga ong•ode, iani bidingo sorkari aro manderangba inquiry-ko dakchina dabina bil donga.
Ua an•tangde pangnan constituency-tangni manderangna, pilak scheme-rangkon sokatna jotton ka•ronga ine janapatengon, gisepode kamrang ja•manchakaia indiba uan miksonge ja•manchakatenga ong•ja ine Mining & Geology Department-ni Advisor talataniko on•angaha.
Kamrangko ka•anio maming dongnuani dongjagenchimode, inquiry-ko dakana bate RTI ka•anian nambatgipa ong•a maina BDO office-o RTI-ko ka•na namen altubea aro iachin pilakkon ma•sie ra•na man•aigen ineba Shylla aganaha.
MLA scheme-ni ning•o bilsiprakon constituency dampraknan gong crore 2.5-ko chamatronga ine janapatengon, ia tangka paisarangko jakkalsretgija constituency-ni manderangona sokatna nanga ine UDP MLA aganaha.
Na·simang iakoba nina man·gen:
Na·simang iakoba poraina man·gen: Child Rights-ni bidingo salgnina workshop-ko ong•atenga
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
