Tura, Nov 19: Child Rights ba bi•sarangna on•gimin bilrangni bidingo chanchirimna gita workshop-ko Tura-ni Captain Williamson Sangma State University-o ong•atenga aro ia workshop-ko Budbar salo a•bachengataha.
Ia workshop-ko Chief Minister’s Special Grant-ni dakchakanichi University-ni Social Work Department ong•atenga aro ia workshop-ko a•bachengatanio, Meghalaya Legislative Assembly-ni Speaker Thomas A Sangma, mongsonggipa sokgipa ong•e bak ra•angaha.
Ia workshop-ko a•bachengatanio, Rangsakona constituency-ni MLA Subir Marak, Capt Williamson Sangma State University-ni Vice Chancellor Prof (Dr) Vasanthi Vijayakumar, SCPCR-ni gitcham Chairperson Meena Kharkongor aro gipinrangba bak ra•angaha.
Ia workshop-ko a•bachengatanio, Capt Williamson Sangma State University-ni Vice Chancellor Prof Vijayakumar, rimchaksoani kattarangko aganangengon, Child Rights Day-ko manina nangani gimin aganangenba, ian bi•sarangna on•gimin bilrangni bidingo agan-talate on•na namgipa chol ong•a ine parakataha.
Ia tom•anio, SCPCR-ni gitcham Chairperson Meena Kharkongor-ba jinmana aganprakengon, ia sal somoirango bi•sarangni kosako ong•gija dakanirang batroroengani gimin an•tangni suk ong•gijaniko parakangenba, bi•sarangna on•gimin bilrangni bidingo manderangna u•iatna gita iandakgipa program-rangko ong•atjringchina didiangaha.
Ia tom•anio, Rangsakona-ni MLA Subir Marak-ba aganprakengon, bi•sarangan mikkangchi jatko aro a•songko dilnagiparang ong•a ine ia workshop-o bak ra•enggipa chatro chatri sakantikon bi•sarangna on•gimin bilrangni bidingo sakgipinrangnaba u•iatskachina didiangaha.
Chadamberangni namgnina CM Youth Connect aro YES Meghalaya gita dakgipa program-rangko ra•gate on•ahani gimin Marak, dingtangmancha a•dok sorkarikoba mittelpilangaha.
Ia workshop-ko a•bachengate on•anganio Meghalaya Assembly-ni Speaker Thomas A Sangma, tom•anio bak ra•giparangna aganprakengon, 2026 bilsini March jao a•bachengna sienggipa ICDS aro ICPS-ni universal coverage, nutritional support program, chatrirangna sanitary pad-rangko sualani, chatrirangna self defence training aro uandake sorkarini a•bachengatgipa dingtang dingtang program-rangni bidingo agan-talatanirangko on•angaha.
Ia salgnina ong•atenggipa workshop-o a•dokni saksa journalist Patricia Mukhim, Additional SP Priyanka Watre Sangma, District & Sessions Judge Febroneous Silkam Sangma aro gipinrang skie on•enga.
Na·simang iakoba nina man·gen:
Na·simang iakoba poraina man·gen: Gari salgaka man•gipa chatri sakgnina sanna banani korosko sorkari gamgen
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
