Shillong, Jan 29: Meghalaya a·dok, pekatgipa bosturangko bon·atna kamko ka·ani bak gita Bristibar salo kror 9 mangna batgipa damni drug ba pekatgipa bosturangko nosto ka·e galaha. Ia pekatgipa bosturangko, dam 7 a·jarangni District Drug Disposal Committee-rang East Jaintia Hills-ni Lumshnong-o donggipa Star Cement Ltd-o nosto ka·e galangaha.
Ia nosto ka·e galgipa pekatgipa bosturango 183.28 gram-ni heroin-rang, kg 8.721 mang ong·gipa Yaba tablet ba golirang, kg 296.79 mang ong·gipa ganja ba bang-rang, ge 2,793 codeine cough syrup-ni botolrang baksana gipin pekatgipa goli-rangkoba man·chapa. Ian dam 7 a·jarangoni ming 58 NDPS case-rango rim·a man·gipa drug-rang ong·achim. ANTF-ni SP Pankaj Rasgonia, batanggimin 2023 bilsio a·bachengatgipa Drug Reduction, Elimination and Action Mission (DREAM) Programme-ni ning·o ia ja·ku de·aniko dakangaha ine u·iatengon, ian pekatgipa bosturang aro uko jakkale ranta ong·giparangko bon·atna a·dok sorkarini on·kange kam ka·aniko mesoka ine u·iatangaha.
Skotong Minister Conrad K. Sangma-chi dilenggipa ia DREAM programme, police-rangni rakgipa ja·ku de·anichi, sana banani aro nampilatachi, jinmana mikrakataniko on·achi aro songsalni manderangni dakchakanichi pekatgipa bosturang jakkalaniko champengatna miksonge kamko ka·giparang ong·a. A·doko pekatgipa bosturangko bon·atna kamko ka·ani bak gita, Meghalaya a·dok sorkari gimik dam 12 a·jani skotong songrangon de-addiction centre-rangko kulie on·anangaha.
Na·simang iakoba nina man·gen:
Na·simang iakoba poraina man·gen: M’laya CM, PM Modi-ko grongenba a·dokni silroro namroroanina dakchakaniko on·china mol·mola
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
