Senokgipa: ROOPAK GOSWAMI
Shillong, Jan 7: Meghalaya a·dokni game ge·e cha·giparang, karini sin·a ding·ani dingtangrorobaaniko uamangni game ge·e man·gipa bolam bite aro buring bolgrimrangni dingtangrorobaaniko nike u·ina man·aha. Uamang gue biterangni komie nanganiko, pan aro alu pangrangni siangani baksana komperam, golmuris aro me·mang koksirangni somoina skang min·srimaniko nikna man·aha.
Mikka bitchirang tik ong·gija ga·aka baksana sal ding·batani a·sel, bang·a songrangon game ge·e cha·giparangko gama ge·ani somoi aro gama ge·ani bewalrangko dingtangna nangao ga·akaha.
Meghalaya Climate Change Centre-ni am·sandie nigiparangni man·ani gitade, uamang dam 10 a·jao donggipa dam 163 songo songdonggipa sak 700 mang manderangni u·i-ma·sianirangko sing·sandie nianirangko dakangaha. Jolo songdonggipa manderangni karini sin·a ding·ani bidingo u·i-ma·sianiara maikai golbal climate science-ni agana baksa apsan ong·achim uko uamang u·ina gita man·aha.
Karini sin·a ding·ani dingtangrorobaani a·sel gama ge·anirango nangchakeako man·batgiparang ong·a ine sandie nianio nikna man·aha. Game ge·e cha·giparang gama ge·ako nosto ong·atgipa jo·ongrang, a·salrang namja baksana bolam biterangni nosto ong·aniko bang·bate chagrongna nangrongenga. Iako olgrokatna gita, uamang gipin bolam biterangko ge·an baksana gama ge·ani somoirangko dingtangate, ma·gitcham pagitchamrangni u·i-ma·sianiko jakkale jo·ongrangko siatna jolo man·gipa bol pangrangoniko tarigipa samrangko jakkalskaenga.
Meghalaya a·doko bang·bea mikka bitchirangko man·genchimoba, a·arang chiko skatrikatna man·jae china neng·nikanirang batroroenga. Chirangko ripingna gita, songni manderang chiko bang·e jakkalna nang·gijagipa aro karini dingtangbaroroani somoio jakkaltobegipa bamboo drip water ba wa·ako jakkale chi wataniko jakkalskaenga.
A·dok gimik jean buringraragipa biap ong·achim, uarang pilakan bolrang den·rimrimani, tangdobatatani, wa·alrang aro karini dingtangrorobaanichi bon·angroroangengaha. Iani a·selan janggi tangani cholrangkoba nangchakeatan baksana mande aro matburingrangni gisepo nangrikaniko batroroataha. Samtangtango donggipa ong·telaigiparangko naljoke rakkina gita, jolo songdonggipa manderang, sambolrang aro matburingrang, carbon-rangko ripinge rakkigipa aro chirang ran·miting somoio chirangko on·gipa sacred grooves-o pangchaktokenga. Ia am·sandie nianio, Khasi aro Jaintia jatrangni bol ja·diloniko tarigipa living root bridge-ni bidingoba janpataha, jean chi ban re·ani somoioba nosto ong·atako man·ja baksana ritchani ritcha bilsina baikamnagipa ong·a.
Songni manderang ong·telgipa chinrang jekai jo·ong rangni dakbewal, do·oni bitiprang, pulrang bibalani somoi aro guangsingko jakkale karini dingtangbaroroaniko agansamsona jakkala ine am·sandigipa dolrang nikna man·aha.
Iandakgipa ma·gitcham pagitchamrangni u·i-ma·siani namen jakkaltobegipa ong·genchimoba, sandie man·ani gitade iako chasong gitalni science baksa brina gita nangchongmotani ong·enga.
Na·simang iakoba nina man·gen:
Na·simang iakoba poraina man·gen: Bangladesh-o hindu-rangko chadrapani batroroanina Assam-ni CM jajrenganiko parakata
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
