Guwahati, Jan 7: Assam-ni Skotong Minister Himanta Biswa Sarma, Bangladesh-o hindu-rangni kosako chadrapani batroroani koborrangko knae gisiko suk ong·gijaniko parakataha. Ia sepango donggipa a·songrango man·enggipa neng·nikani a·sel, Assam a·dokni naljokanina kenchakani ong·naba donga uni gimin ia ong·enga obostarangko name nirokna nanga ine ua aganangaha. Indake on·engon, Bangladesh-o ong·enga obostarang aro Assam a·doko so·so jengjeng ong·anirang batrorogenchimode, mikkangchi ian a·songni naljokanina namen kenbegnigipa ong·naba donga ineba ua agandapangkuaha.
Bangladeshi hindu aro Buddhist apjitbagiparang, France, Paris-ni Republic Square-o Bangladesh a·doko hindu-rangni kosako chadrapani bidingo ku·rangko on·a jegalaniko dakangaha. Paris-ni Bangladesh Hindu-Buddhist-Christian Unity Council aro Bureau of Human Rights and Justice (BHRJ)-ni gita jegalaniko ong·atangaha.
Jegalgipa dolrang, Isolko kal·stapa ine tol·e matnange Dipu Chandra Das-ko so·otgipa manderangni kosako rakgipa sasti-ko on·china didiataha. BHRJ-ni aganani gitade, batanggimin bilsio bang·a hindu manderang so·ota ba chadrapako man·an baksana bang·a me·chikrang til·ekdraako man·aha aro bang·a hindu-ni nokrang, mondir-rang aro bang·a bading chiwalchakgipa nokrangko so·e ba nisie galaha.
Bang·a manderangan ia ong·a obostako name nianiko dakenga maina India aro Bangladesh-ni gisepgriko meli nangrimaniko simsakna nangbegipa ong·enga, maina India-ni Salgro Salaram jolrango sima ari-o naljokani aro napsrukbagiparangni a·sel jajrengna nangchongmotani ong·enga.
Na·simang iakoba nina man·gen:
Na·simang iakoba poraina man·gen: BJP dolna chakpagijagipa vote-rangko kimitgalenga ine Akhil Gogoi matnanga
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
