Shillong, Jan 24: Meghalaya a·dokni Ri-Bhoi a·jao am·sandie niani gitade, bang·a ma·giparangan antenatal care-na bimung segatgenchimoba, oko dongmitingo ma·a aro bi·sani an·seng baljokanina chang 4 check-up ka·na nanggiparangko matchote ka·giparangde bang·gijasan ong·aia. Ia am·sandie nianiko Badondor Shylla, Dr. Tshering Dolkar aro Dr. Wansalan Karu Shullai dakdilangaha, jekon Indian Journal of Community Medicine-o nakatataha.
Am·sandigipa dolrang, re·anggipa bilsio bi·sa an·pakgimin sak 360 me·chikrang baksa agan-grikanirangko dakangaha. Uamangoni 87% mangna baten ma·giparang antenatal clinic-ona komibewaloba changsade re·angachim, indiba matchote check-up ka·giparangde 29% mangni gitasan ong·aia. Ian bang·a ma·giparangni antenatal care aro senggnang bimung segatani gimin u·igenchimoba, pangnan re·ruraaniko daknade neng·nikkuenga ine mesoka.
Bang·a me·chikrangan health centre-rangoni chel·ao donggiparang ong·an baksana songrena tangka paisarang dongjani a·sel aro nokdango tangka paisani gita neng·nikanirangko man·ani a·sel check-up ka·na re·angna gita man·rongja ine am·sandie nianio u·ina man·aha. Me·chikrang jemangan clinic-oni km 5-na bate chel·ao donggiparang ong·a ba jemangan songreanina adita tangkarangko koros ka·na nanggiparang ong·achim, iandakgiparangde changgipino check-up ka·taina songrena neng·nikgiparang ong·a. Cholikalgipa nokdangni me·chikrangsan an·o dongmiting somoio matchote sana baniko ra·na man·giparang ong·aia.
Bang·bata me·chikrangan sorkarini hospital-rang aro health centre-rangonasa check-up ka·aniko dakrongbata. Me·chikrang jemangan sana bananiko on·gipa manderangchi ka·sae dangdike on·ako aro mande ra·ako man·a uamangsan sana bananiko ra·na re·bapiltaina gong·giparang ong·naba donga. Indiba, sana bananiko on·giparang name sana bananiko on·ja ong·ode aro specialist doctor-rang dongja ong·ode, uandakgipa centre-rang me·chikrangni ka·donganiko gimaatronga. Ia am·sandianiko dakaniara, songadam biaprango re·rura·anirangko namdapatna, ASHA-rangko bilakbatatna, health facility-rangko namdapatna aro Meghalaya a·dokni an·o donggipa me·chikrangna chu·onga gita sana bananiko ra·na mikrakataniko on·a nanganirangko ku·pattia.
Na·simang iakoba nina man·gen:
Na·simang iakoba poraina man·gen: Zubeen Garg sagini siani bidingo ta·rake am·sandichina Special Court-ko songchina mol·mole uni nokni manderang memo-ko PM-na on·a
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
