Guwahati, Jan 24: Zubeen Garg sagini siani bidingo ta·rake am·sandina man·a gita Special Court-ko songchina mol·mole, Zubeen-ni nokdangni manderang Prime Minister Narendra Modi-na Memorandum-ko Sonibar salo on·angaha.
Zubeen Garg sagi, uamangni nokdangni mandesan ong·aija indiba India a·songni salgro salaram jolni aro Assam-ni ku·rang ba ong·achim. Indake, 2025 bilsini September 19 tariko uni rang·gitik sianiara nokdangni manderangnasan ong·aigija Assamese jatni sakanti manderangna ka·a be·aniko ra·baaha. Iani gisepon uni siani bidingo ta·rake am·sandianiko dakna gita Special Court-ko songe on·china India Sorkario ka·dongbee mol·molenga ine uamangni Memorandum-o janapataha.
Ia a·sel ong·ani ja·man suo motu-ko Singapore-ni authority-rang a·bachengataha aro Singapore-o donggipa Indian High Commission, post-mortem aro gipin dakna nanggni kamrangko a·bachengataha aro uni ja·man Assam-ni CID baksa FIR-ko ka·aha. Iani bidingo am·sandichina Assam sorkari Special Investigation Team-ko songaha aro uamang talbate am·sandina gita Singapore-ona re·angaha aro uno ja gittamna sandianiko dakani ja·man, sakki rang baksa Zubeen-ko so·otanio jak donggipa manderangni kosako chargesheet-ko segataha ineba uamang janapdapataha.
Zubeen Garg sagini siani bidingo kraa sakki rang baksa pilak nanganirangko janape Singapore-ni Coroner-na email gita watataha ineba Memorandum-o janapaha.
Uni nokdongni manderangsan kalimenga ong·jaenga, indiba songdong a·chagiparangban kalimpaenga aro kakket bichalko ka·e on·china dabienga, indake ong·engon, iani bidingo kakketko somoi gita bichal ka·e on·gen ine na·simangni namgipa office-o ka·dongenga ine janapatan baksa, India-ni Special Court-ko songe on·china aro ia a·selo jak donggipa manderangko patokoniko watjachinaba uamang dabiangaha.
Na·simang iakoba nina man·gen:
Na·simang iakoba poraina man·gen: Garo Hills-o manderangni an•seng-baljokaniko nambatatna IIPH Shillong, Tura-o regional office-ko kuliaRepublic Day ong·na siengon chel·chakgipa dolrang Imphal-oniko bang·bea silchidarerangko man·a
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
