Shillong, March 12: Meghalaya a•dokni Chief Minister Conrad K Sangma-ba Sukrobar salo, COVID-19 tikani skanggipa samko, Shillong Civil Hospital-o su•e ra•rikaha.
COVID-19-ni tikako su•e ra•ani ja•mano social media-o parakatengon, Meghalaya a•doko ia sabisiko warachakna mikkango donge kamko ka•enggipa pilak manderangko aro pilak budepa butchumarangkoba ia tikako su•e ra•china gita Chief Minister didiataha.
Took my 1st #CovidVaccine shot at Civil Hospital, Shillong today. I encourage all our frontline workers and senior citizens to take the vaccine for their protection.@drharshvardhan @MoHFW_INDIA @NHMMeghalaya pic.twitter.com/8QBTNyTaE3
— Conrad Sangma (@SangmaConrad) March 12, 2021
“Da•alo anga COVID-19 tikani skanggipa samko Shillong Civil Hospital-o su•e ra•aha. An•tangtangni namgnina ia tikako su•e ra•china anga a•doko ia sabisiko warachakna mikkango donge kam ka•enggiparangko aro pilak budepa butchumarangkoba mol•molatenga,” ine Chief Minister parakataha.