Tura, Jan 11: Bristibar salo, Under-18 ba bilsi 18-ni ning•o ong•gipa me•asa dolrangni robol kal•aniko a•bachengahataon, bilsi 18-ni ning•o ong•gipa me•chik dolrangkoba Meghalaya Games-ni official-rang, screening ba nipiltaianiko dakangskaaha.
Me•chik dolrangni robol kal•susaanikoba Sukrobar saloni a•bachengatna siengahani gimin Meghalaya Games 2024-o bak ra•enggipa me•chik dolrangko, Tura-ni Chandmary robol kal•chakramo, Meghalaya Football Association (MFA)-ni dongimin niamrango pangchake nipiltaianiko dakangaha.
Me•chikrangni robol kal•susaanio dingtang dingtang a•jarangoni gimik dol 10 me•chikrang bakko ra•enga aro ia dolrangara, West Garo Hills, South West Garo Hills, East Garo Hills, South West Khasi Hills, East Jaintia Hills, West Jaintia Hills, Eastern West Khasi Hills, Ri Bhoi, West Khasi Hills, aro East Khasi Hills a•jarangoni ong•a. Me•chikrangni robol kal•susaanio South Garo Hills aro North Garo Hills a•jade bak ra•skajaenga.
Meghalaya Football Association-ni dongimin mitam niamrangara, ia Meghalaya Games-o bakko ra•enggipa me•a ba me•chik, 2006 bilsini January 31 ba uni ja•man atchigipa ong•na nanga, atchiani tarikko mesokna Aadhar Card-ko on•na nanga, Aadhar card baksa nisusana an•tangtangni birth certificate-ko mesokna nanga, robol kal•na re•bagipa me•a ba me•chik, ua a•jaon atchigipa ong•na nanga ba gipin a•jaoni ong•genchimoba uni donkamgipa biapni sports association ba football association-ni NOC-ko mesokskana nanga.
Iakoba poraie nina man·gen: A•songni President-ko rimchaksona Tura tarisamsoa
Watch
