Shillong, Feb 23: Meghalaya-ni dam 92 songrangko Vibrant Village Programme-II-ni ning·ao seokaha, indiba Ministry of Home Affairs kamrangko a·bachengatani tarikrangko u·iatkujaenga ine Sombar salo a·dokni Skotong Minister Conrad K Sangma parakataha.
Ia scheme-ko 2028-29 bilsirangona kingking kam ka·anggen aro uko Border Areas Development department jako ra·anggen.
“September 2022-o Border Areas Development Programme-ko India sorkari dontongataha aro unon, gital programme-ko a·bachengatskaaha, jekon Vibrant Village Programme ine minga,” ine Assembly-o Sangma aganchake on·angaha.
“BADP-ko dongtongatani a·sel adita tangkarangko chammani bidingo MLA-rang angko grongna re·baaha aro anga adita tangkarangko on·chapataha indiba uarangara chu·ongja maina chinga a·dok damgni gisepo donggipa aro gipin a·songrang baksa donga sima arirangoba kam ka·na nanga,” ine ua agandapangaha.
“Iako dakna chinga adita tangkarangko donchenggen… sima ari jolo silroro-namroroanirangko BADP-ni ning·ao jakkalgimin tangkarangchisande man·gen ine agansona amja,” ine ua aganenba, Mawsynram aro Shella-na Lafarge SPV-oni on·atgipa tangka-paisarangni gimin janapangaha.
Uandake, ma·mong sorkarini bikotna ge·etatgimin district-level committee-rangode MLA-rang dongja inenba iako dingtangatchina a·dok sorkari Delhi-o ma·mong sorkarina parakataha.
“Iani bidingo ma·mong sorkari rai-ko ra·anggen… Anga an·tangan iani bidingo nirokatgen,” ine ua aganangaha.
Uandake, a·dok gipinrang baksa dongenggipa sima ari-rango dingtanganirangko aro namroro-silroroanirangko ra·bana ine a·dok sorkari kror Rs. 14.99 tangkarangko chammaha.
Na·simang iakoba nina man·gen:
Na·simang iakoba poraina man·gen: Khasi-Mon Khmer aro Garo-Tibet-ni gisepo bak donganiko M’laya sorkari am•sandigen
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
