New Delhi, May 25: Meghalaya a•dokni Performance Grading Index (PGI)-ko namdapatna kamrangko ka•anio chagrongna nangenggipa dingtang dingtang neng•nikani aro ra•bianirangko Sombar salo, a•dokni Chief Minister Conrad K Sangma, Union Education Minister Dharmendra Pradhan-na agan-talate on•angaha.
Batanggimin bilsi gittamni gisepo, Meghalaya a•dokni PGI-o, ka•mabatsranggipa biapo ong•enga ine ku•rachakangengon, bi•sarangni skie ra•anio kolgapgijanirangko Education department sandiaha aro ia neng•nikanirangko ja•pang ja•dilonin namatna gita ja•krangko de•aha ine Chief Minister aganaha.
Lekka porako on•anio chagrongna nangenggipa neng•nikanirangko talate on•angengon, Meghalaya a•doko ru•uta bilsirangonin, skulrang nangana bate bang•dugaani a•sel tangka paisarangko chame on•anio, skulrangko chalaianio aro dingtang dingtang neng•nikanirangko chagrongna nangenga ine Sangma aganaha.
Assam a•dokko changale, salgro salaramni damdok a•dokrangoni Meghalaya a•doko lak 30-mangni gita mande jelbra jelsue, dam 14,600-mangni gita skulrang donga aro ian Manipur, Mizoram, Arunachal Pradesh aro Tripura a•dokrang baksa tosusagenchimode bang•batgipa ong•enga.
Iandakgipa neng•nikanirangko chagrongna nangengani a•selan bi•sarangni skie ra•aniko namdapatanio bringbrangatako man•ronga indiba sorkari da•o cholrangko ra•gate, a•doko lekka porako namdapatna siengaha ineba ua aganaha.
Dingtang dingtang gadangni skulrangko chaprimna aro skul nokrangko taridapna gita a•dok sorkari, mongsonggipa kamrangko a•bachengataha ineba Chief Minister, Union Education Minister-na talate on•angaha.
Skulrango lekka porako nambate on•na man•na gita skulrangko chalaianio neng•nikanirangko komiatna a•dok sorkari, dingtang dingtang grant-in-aid (GIA)-rangko on•na tik ka•aha ineba Sangma aganaha.
SSA skulrango skigiparangko man•chape dingtang dingtang gadangni skigiparangna apsan bimango dormahako on•na ja•ku de•chakatahani giminba Chief Minister, Union Education Minister-na talate on•aha.
A•doko lekka porani gadangko nambatatna gita skigiparangna training program-rangko ong•atengani giminba Sangma talate on•angaha.
National Education Policy (NEP)-ko ra•gatani bidingo Education Minister-na talate on•angengon, Khasi aro Garo ku•sikko skie ra•na nangtelgipani gimin aro sorkarini a•bachengatgipa dingtang dingtang program-rangni giminba Chief Minister janape on•angaha.
Adita salrangna skang a•dok sorkarini a•bachengate on•gipa ‘CM Lead Fellowship’ program, a•doko kulina sienggipa Meghalaya Teachers Training Academy (MTTA) aro uandakgipa dingtang dingtang kamrangni giminba ia tom•anio Chief Minister, Union Education Minister-na talate on•angaha.
Na·simang iakoba nina man·gen:
Na·simang iakoba poraina man·gen: Dympep-ni skywalk-an Salgro Salaram-o skanggipa ong∙gen: Gavin Mylliem
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
