Shillong, March 15: Meghalaya a·dokoni Martial Arts-o susaanggipa chadamberang, Sri Lanka a·songo ong·ate adita salrangna skang matchotanggipa World Jeet Kune Do Championship-o bakko ra·e gimik ge·bri medalrangko chebaenba a·doktangna mikkim-rasongko ra·baaha.

Meghalaya School of Martial Arts (MSMA)-oni sakbri susagiparang, re·anggipa March 10 oni 12 tarikona Sri Lanka-ni Kandy, Provincial Sports Complex-Digana-o susaatgipao a·songni aro a·dokni pal ong·e bakko ra·angtokahachim.

MSMA-ni Central Body-ni Assistant Secretary, Erik Nongkynrih, Seng Kynthei Laitkor Mawrie Lumheh-ni Secretary, Adorable Dkhar aro nokdangni manderang baksana uamangna nama-sikaniko on·atgipa gipinrang Butbar salo, a·dokni skotongona sokbao uamangko mande ra·bee rimchaktokaha.