Shillong, Feb 21: Meghalaya-ni Sanfida Nongrum re·baenggipa ja-o Australia-o ong·atnasiengipa AFC Women’s Asian Cup 2026-o bak ra·nasienggipa India-ni sa 26 membor-rangoni saksana seokako man·aha.
January ja-o, Sanfida, India-ni team baksa Turkey-ona re·ange club side-rang baksa adita closed-door friendlies-ko kal·susaanirangko dakna re·angaha aro ia dal·gipa kal·susaanio bak ra·na tarisamsona sal 10-na sang Australia-ona re·angaha. Meghalaya-o darang me·chikba iandakgipa dal·gipa gadango national team-o bak ra·e kal·susakujani gimin, Sanfida-an itihas-o skanggipa ong·aha.
February 20 tariko uko coach Amelia Valverde Indian squad-ona rimnapaha. Sanfida, jekon Polly ineba manderang okamronga, uan squad-oni sakdok uncapped player-rangoni saksa ong·a baksa chonbatgiparangoni saksaba ong·a – ua aro unbaksa sakgni kal·susagiparang bilsi 20-san ong·engpiti.
Social media-o ia koborko parakaton, ian a·dokna rasong chaani aro gisik ra·na krabeani ong·a ine Meghalaya Football Association-ni President Hamletson Dohling seataha. “Nang·ni krengani, bimchipani, aro bebera·ani nang·ko ianona dilbaaha. Na·a jatni nisankosan de·ja indiba nang·ni a·doko bang·a chadambe me·chikrangni niksamsoanirangna rama mesoksogipaba ong·a. Nang·na nama skani, ka·dongani aro gisik ra·gipa tournament ong·china angni bia,” ine ua Sanfida-na seataha.
Uandake Sanfida aro unbaksa kal·susagiparang March 4 tariko attamni 4:30 bajio Perth Rectangular Stadium-o Vietnam baksa kal·susaanggen, aro uni ja·mano March 7 tariko apsan biapo apsan somoio Japan baksa susaanggen. Bon·kame uamang Chinese Taipei (Taiwan) baksa March 10 tariko Western Sydney Stadium-o 2:30 bajio susaanggen.
Dolprakoni nambatgipa dolgni kal·susagiparang, gittamgipa biapko man·gipa dolgni baksa susaanggen, aro quarterfinals-ona doanggen. Dolbri quarterfinal-o chegiparang Brazil-o ong·atnasienggipa FIFA Women’s World Cup 2027-o kal·susaangna man·gen. Quarterfinal-o am·a cha·giparang play-off-o susaange World Cup-na AFC-na on·gipa dongrikenggipa biap damgnina kal·susanggen. Play-off-o chegijagipa dolgnirang playoff tournament-o kal·e Brazil-o kal·na chol man·angkugen.
Turkey-o antibrina dongani ja·mano, India-ni kal·susagipaeang February 11 tariko Perth-ona sokaha. Sak 26 kal·susagiparangoni, sakchet kal·susagiparang 2022 bilsio India-o ong·atanggipa Asian Cup-o bak ra·anggiparang ong·a – Sweety Devi Ngangbam, Shilky Devi Hemam, Sanju Yadav, Anju Tamang, Pyari Xaxa, Grace Dangmei, Manisha Kalyan aro Sowmiya Narayanasamy. Indake ong·genchimoba, Covid-19-ni a·sel changsa kal·susaani ja·manan India tournament-oni ong·katna nangaha.
Australia-o bak ra·nasienggipa kal·susagiparangoni, sakdok manderang skanggipa changna India-na kal·susanggen, uamangara – Sarita Yumnam, Sushmita Lepcha, Jasoda Munda, Sanfida Nongrum, Aveka Singh aro Kaviya Pakkirisamy ong·a.
India-na kal·susagiparangoni Grace Dangmei-an nambatgipa ong·a aro chang 91 kal·susaanirango bak ra·e goal 23-rangko chipaha. 1995-o atchigipa Anju Tamang, bilsi 30 ong·e kal·susagiparangoni pilakna bilsi batgipa ong·a. Bilsi 20 ong·gipa Shilky Devi Hemam-an kal·susagiparangonide chonbatgipa ong·a.
Uandake, India-ni Asian Cup-o kal·susagiparangoni East Bengal FC-an sak 8 manderang donge bang·batgipa ong·a, uni ja·mano Sethu FC-oni sakdok aro Sribhumi-oni sakbri ong·a. Aveka Singh, jean Næstved HG-na (Denmark) aro Manisha Kalyan jean Alianza Lima-na (Peru) kal·a, uamang sakgnisan India-ni a·palni dolrangni kal·susagiparang ong·a.
Sanfida da·o Garhwal United-na kal·susaenggipa ong·a, indiba ua batanggimin salrango Bangalore United, Sports Odisha, Sirvodem SC aro Meghalaya sub-junior girls’ team-naba kal·susaaha. Garhwal-na kal·susagipa ong·e, ua Senior Women’s National Football Championship-o Delhi-na kal·susanaba re·angaha.
Meghalaya a·doko, Women’s Football League 2024-o bak ra·e Laitkor-ko chena dakchakaha. Re·anggipa bilsio, ua Karnataka Women’s League 2025-26-o Misaka United-na kal·susaenba, Top Scorer aro Player of the Tournament-koba man·aha.
India squad:
Goalkeeper-rang: Panthoi Chanu Elangbam, Shreya Hooda, Sowmiya Narayanasamy
Defender-rang: Astam Oraon, Juli Kishan, Martina Thokchom, Nirmala Devi Phanjoubam, Sanju Yadav, Sarita Yumnam, Shilky Devi Hemam, Sushmita Lepcha, Sweety Devi Ngangbam
Midfielder-rang: Anju Tamang, Aveka Singh, Babina Devi Lisham, Jasoda Munda, Sanfida Nongrum, Sangita Basfore
Forward-rang: Grace Dangmei, Kaviya Pakkirisamy, Lynda Kom Serto, Malavika P, Manisha Kalyan, Pyari Xaxa, Rimpa Haldar, Soumya Guguloth
Dakchake on·giparang: Amelia Valverde (head coach), Crispin Chettri (assistant coach), Priya PV (assistant coach), Eli Ávila (goalkeeping coach), Mario Aguiar (goalkeeping coach), José Sánchez (strength & conditioning coach)
Na·simang iakoba nina man·gen:
Na·simang iakoba poraina man·gen: Congress aro BJP worker-rangni gisepo nanggrika
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
