Shillong, Jun 24: Re•baenggipa 2027 bilsio Meghalaya a•doko sokachakenggipa National Games-na tarisamsoanio dakchakanirangko on•na gita Mongolbar salo a•dokni Chief Minister Conrad K Sangma, gong crore 39.17 tangkarangko, gimik dol 26 Sports Association-rangna pakwate on•angaha.
Ia tangkarangko pakwate on•angengon, iandakgipa dakchakanirangko on•anichi National Games-na tarisoenggipa dingtang dingtang dolrang, kal•susaani bosturangko brena aro kal•chakram biaprangko tarina man•gnok ine Chief Minister parakataha.
Meghalaya a•doko nambatsranggipa kal•chakram biaprangko tarina sorkari, gong crore 1900-na baten tangka paisarangko koros ka•enga ine janapatskaengon, ian mikkangchi a•dokni chadamberangna, kal•susaanirango mingnamaniko ra•bana dakchakgen ine Sangma aganaha.
National Games-na an•tangtangni kal•susagiparangko name tarisona man•na gita ia tangkarangko name jakkalchinaba ua didiangaha.
2027 bilsini National Games-ko sokachakanio komibeoba ge 50 medal-rangko chena nanggen ine janapatengon, ia kal•suaaniko sokachakgipa ong•e medal-rangko cheanioba Meghalaya a•dok teng•sugipa ong•china ine Chief Minister aganaha.
Na·simang ia video-koba nina man·gen:
Na·simang iakoba poraina man·gen: Education Department aro Mother’s Union-ni MoU-ni gimin Education minister talate on·a
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Instagram- www.instagram.com/ne_media_hub
