Shillong, May 11: Meghalaya a•dokoba petrol, diesel, LPG aro uandakgipa dingtang dingtang toni damrang tang•doengahani a•sel manderang neng•nikanirangko chagrongna nangtokengahani gimin bakan a•dokni Chief Minister Conrad K Sangma-ni dilanichi a•dok sorkari chanchirimenba, nanga gita ja•kurangko de•anggen ine Budbar salo a•dokni Deputy Chief Minister Prestone Tynsong parakataha.
Meghalaya a•dokoba petrol, diesel aro LPG-rangni dam rakbatahani gimin bang•a manderangan sorkarini kosako suk ong•gijaniko paraktokengachim ine nikna man•a.
Indake ong•engon, a•doko songdongenggipa manderangni namgnina, NPP-chi dilenggipa MDA sorkari, bakan tom•e chanchirimanggen aro nanga gita ja•kurangko de•anggen ine Deputy CM parakataha.
