Shillong, May 3: Meghalaya-o manderangni an∙seng-baljokani, sanna-banani cholrangko jakkalani aro an∙seng-baljokanio chagrongenggipa neng∙nikanirangko a∙ja damprakprakni gita data-rangko chimonge donna ine State Health Systems Resource Centre, Meghalaya, Annual Health Survey-ko a∙bachengatenga.
Ia cholko a∙bachengatanichi Meghalaya-o an∙seng-baljokani cholrangko on∙anio chu∙onggijanirangko namdapatna aro obostarangko nigrike rai-rangko ra∙na man∙a miksongenga ine official-rang parakataha. Ia survey-ko ka∙anichi bilsiprako District Health Profile-rang aro unbaksana Population Health & Wellness Score-ko parakatna man∙gen, aro uandake a∙jako nirokenggipa dilgiparang joltangtango manderangni an∙seng-baljokani bidingo talbate u∙ina man∙gen aro uni kri ja∙kurangko de∙na man∙gen.
State Health Systems Resource Centre-ara (SHSRC) Meghalaya sorkarina technical kamrango dakchake on∙enggipa dol ong∙a aro a∙doko sanna-banani cholrangko bilakdapatani aro manderangni an∙seng-baljokaniko namdapatanian uamangni mongsonggipa miksongani ong∙a.
Ia Annual Health Survey-ko a∙bachengatna inenba, SHSRC Quality-cum-Cost Based Selection Process-ko jakkale Oxford Policy Management India-ko seokaha. Ia survey-ko January 2027-o matchotna ka∙dongsoenga, aro a∙dokni pilak a∙jarang aro manderangni an∙seng-baljokaniko mesokani chinrangkoba Meghalaya Health Atlas-o SHSRC chapa ka∙ataha. Ia Atlas-o data-ko rongtale aro name mesokna jotton ka∙enga jedakode uno pangchake kamrangko chanchisamsona aro mongsonggipa kam ka∙na nanggnigipa biaprangko u∙ina man∙gen.
Ia survey-o am∙sandie man∙giminrangara a∙japrako an∙seng-baljokaniko ra∙bana chanchisamsoani, neng∙nikanirangko namatani cholrang aro sanna-banani cholrangko on∙aniko nambatatna dakchakgen.
Una agreba, sagiparangni data-ko namedake chimonge donna ine SHSRC Electronic Health Records-ko (HER) a∙bachengataha. Ia cholko ra∙baanichi biap damsano sagiparangni itihasrangko gapate donenba, sanna-bananiko dakangkuna santimgiparangna dakchakaniko on∙gen.
EHR-ko skanggipa changna Mawphlang Community Health Centre (CHC), Pomlum Primary Health Centre (PHC), aro Ummulong CHC-ko a∙bachengatenga. Unbaksa dam 28 sanchakram biaprangba ia cholko ra∙gatna gisik nanganiko mesokenga ine official-rang parakataha.
Ia minggni cholrangko a∙bachengatanichi Meghalaya-o sanna-bananirangko bilakbatatna ja∙ku de∙ani, aro manderangni nangani kri an∙seng-baljokatani cholrangko on∙na sorkarini krenganiko mesoka ine u∙i-ma∙sigipa manderang parakataha.
Na·simang iakoba nina man·gen:
Na·simang iakoba poraina man·gen: Skotong Minister, Madanriting-ni St. Peter’s Secondary School-o Dorbar Shnong-ni ong·atgipa program-o bak ra·anga
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
