Shillong, Dec 29: Meghalaya-ni Deputy Chief Minister In-Charge of Home (Police), Prestone Tynsong, a·dok sorkari da·omangba champengatgimin dol Hynniewtrep National Liberation Council (HNLC) baksa tom·tomaniko rakkina agan-golpogrikaniko dakna sengkuenga ine u·iataha. Indake ong·engon, champengatgimin dol niamgri ba so·so jengjeng ong·atani kamrangko ka·angkugen ong·ode a·dok sorkari uamangni kosako rakgipa ja·ku de·aniko dakgen ineba ua mikrakataniko on·ataha.
Re·anggipa December jani 15 tariko, East Jaintia Hills-ni Dhar Construction Company-o HNLC dolni IED-chi chadrapahani gimin ia mikrakataniko on·ataha. A·dok sorkari agangrikaniko dakna gonggenchimoba, so·so jengjeng ong·atanirangko dakgenchim ong·ode niamni gita raken ja·ku de·aniko dakanggen ineba Tynsong u·iataha.
Iani gisepon, a·doko songdongenggipa sakantina naljokaniko on·anian sorkarini daito ong·a inenba ua Deputy Chief Minister Sniawbhalang Dhar aro pilak a·doko songdonggiparangna naljokaniko on·gen ine ka·dongataniko on·ataha.
Khasi-Jaintia MLA-rang, HNLC doloniko tangka dabiani lekkarangko man·soaha ine koborrangni bidingo ua da·o dipet officially mamingkoba u·iata dongkuja ineba Tynsong aganchakaniko on·angaha. Bebe gita saobarang iandakgipa ka·mikkenatani lekkarangko man·sogenchimode maming kena gri police-rangna u·iatchinaba ua didiataha.
HNLC dolni dabigipa tangkarangko on·a man·gijani gimin Sniawbhalang Dhar-ni Construction Company-ko IED-chi chadrapaha ine a·kangatanina, Tynsong, tangka dabie ra·aniara niamni a·palo ong·a jekon a·dok sorkari maming saloba ra·chakna man·jawa ine aganangaha. Iani gisepon, da·o dipet Dhar-ni tangka ra·chakani ba tangka dabianina tangka on·ani bidingo mamingkoba officially u·iata dongkuja ineba ua agandapangkuaha.
IED chadrapanio da·o dipet darangkoba rim·dapa dongkuja ineba Tynsong u·iatangaha.
Na·simang iakoba nina man·gen:
Na·simang iakoba poraina man·gen: Cha•ua potchipe mande saksako Guwahati-o doke siata, saksni manderangko rim•a
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
