Tura, Feb 11: Tourism Department, Government of Meghalaya, Tura-ni Hotel Polo Orchid-o Holiday Inn Resort-ko tarina InterContinental Hotels Group (IHG)-ni proposal on·aniko ra·chakenba Land Handover Ceremony-ko ong·ataha.
Ia program-o, Skotong Minister Conrad K Sangma mongsonggipa sokgipa ong·e bak ra·angaha aro unbaksana, Tourism Minister Timothy D Shira aro PHE, Soil & Water Conservation and Housing-ni Minister Marcuise N Marak, IHG-ni representative-rang, sorkari officialrang aro gipin dolrangba dongpae bak ra·angaha.
Indake, ia mongsonggipa manderangni dongpaanio a·a pakwataniko dakangaha.
Skotong Minister Conrad K Sangma, tom·anio jinmana aganprakengon, ia five-star hotel-ko Tura-o tarina man·enganiara gisik ra·gnigipa ong·a ine aganan baksa, five-star aro four-star hotel-ni dingtanggrikaniko talate on·angaha.
Nambata sokachakani nokrangko nangengani bidingo manderangni sing·doanirangna aganchakengon, a·jao namroro silroroaniko ra·baon, an·chingo pilakkon nanga jekai, rama, hospital, school-rang, ringani chi uandaken hotel-rangkoba nanga ine aganaha.
A·doko project-rangko ra·bae janggi tangani gadangko tang·doatani gimin janapengon, 2019 bilsini gisepo Meghalaya a·dokni man·gnirangko $10 billion mangona tang·doatna niksamsoanirangko nipilataha aro da·alo $7 billion mangona sokahani gimin ru·utgijan $10 billion-ona sokdognok ine ua aganaha.
“10 Opportunities aro 10 Commitments”-ni bidingo niatskaengon, private investment, tourism, arts & culture, sports, Urban transformation ba songjinmarangko namdapatani aro dingtang dingtang cholrangko jakkale connectivity, chi siltong sale on·ani, chu·onga gita bijoliko on·ani, chu·onga gita internet-ko jakkalna man·ani, an·seng baljokaniko on·ani, aro songsalni namgnina kam ka·anio namdapatani giminba ua janapataha.
Indake, a·doko 8,000 kror mangni gita private investment ka·anggen, jeon, 130 kror mangni gita hotel project-na chamgipa ong·gen.
Tangka paisani gita tang·doaniko janapatskaengon, 2014 bilsio Meghalaya a·doko gong 6,811 kror mang koros ong·aoni 2015 bilsio gong 23,475 kror mangona tang·doaha aro capital investment-ba 1,259 kror mangoni gong 6,395 kror mangona tang·doaha aro iarangan a·dokni kajina aro ma·mongoni kajinaoniko man·giparang ong·a ine Skotong Minister aganaha.
Re·baenggipa National Games 2027-na scheme-ko a·dok sorkari chanchisamsoenga aro iana “Homestay-cum-Games Village” ine scheme-ko bikotna miksongenga ine Skotong Minister parakataha. Ia scheme-ni ning·o Sports hostel-rangni bimango homestay-rangko rikna baneficiary-rang 70% mangni gita subsidy-ko man·gen aro ia Games matchotman·ahaode uamang ia homestay-rangko chalaiangna man·gnok ineba ua aganaha.
Iarangna agreba Skotong Minister, mongsonggipa connectivity aro infrastructure-ko namdapatani gimin janapengon, Tura airport-ko taridaptaina aro gipin project-rang jekai IT park, medical college, Additional Secretariat aro Urban beautification-na gong kror 50-ko sorkari chamaha ine parakataha.
IHG-ni bidingo janapengon, ia project-ko jako ra·e kam ka·enggiparangna nama skaniko on·an baksa somoi gita project-ko matchotna nanggen ine mikrakatanikoba on·ataha.
Tourism Minister Timothy D Shira-ba jinmana aganengon, ia project-na a·ako sorkarini pakwataniara a·dokni tourism a·bao dal·a chu·sokani ong·a aro da·o donggipa gitcham nokrangko pe·grue gitalgipa five-star hotel-ko somoi gita rikanggen ine parakataha.
A·jaona tourist-rangni re·baani batroroengani gisepon, nambata gadangni sokachakaniko on·a man·a nanga aro ia project-an iarangko chu·sokatna man·gen ineba ua agandapaha.
InterContinental Hotels Group-ni Representative, Gautam Tyagi-ba tom·anio aganengon, Tura-o ia hotel-ko rikna cholko on·enganina a·dok sorkariko mitelpilskaangaha.
Uamangni miksonganirangko talatengon, jolo donggipa manderangna kamko on·gen aro a·jaona re·bagipa manderangna nama sokachakaniko on·a aro hotel-ko a·dokni jatni dakbewalrang gita rikna miksongenga ine aganaha.
West Garo Hills a·jani Deputy Commissioner Vibhor Agarwal, ia five-star hotel project-ara tourism-ni a·bao namdapatna sorkarini niksamsoanirangko parakengani ong·a ine aganaha.
Tura songjinmao dingtang roroaniko aro namroro silroroaniko nikna man·engaha ineba ua janapataha.
Na·simang iakoba nina man·gen:
Na·simang iakoba poraina man·gen: Muster roll union M’laya-o labour code 2025-ko ra·gatchina dabia
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
