Guwahati, Apr 13: Mongolia a•songni Ulaanbaatar-o ong•atanggipa Asian Boxing Championship-o India a•songni susaegiparang gimik ge 16 medal-rangko chee, a•songna mikkim rasongko ra•baaha. Ia Boxing Championship-o India-ni me•chik dol medal 10-ko aro me•asa dol, medal ge 6-ko chee chu•sokgipa ong•aha.
Ia Boxing Championship-o me•asarangoni 50 kg category-o susagipa Vishvanath Suresh, gold medal-koba cheaha.
Ia Asian Boxing Championship-o India dolni chu•sokgipa ong•ahani gimin Indian Women’s boxing team-ni Director aro Head Coach Santiago Nieva, an•tangni kusi ong•aniko parakataha.
Mongolia-o India dolni chu•sokgipa ong•ani bidingo kobor ra•timgiparangni sing•anirangna aganchakaniko on•angengon, iana skangba ua Boxing Federation of India (BFI)-o bilsi bongana kamko ka•ahani gimin kal•susagiparangko aro uamangni changa sapanirangko ma•sia aro ian uni coach ong•e kamko ka•anio kamrangko altubatataha ine Nieva aganaha.
Uni me•chik dolko skigipa ong•e jako ra•ani ja•man, ua kal•susagiparangko nambatatna gita rakbate kamko ka•na nangaha aro pilakan rakbee kamko ka•anichi da•alo namgipa biteko ra•na man•aha ineba Nieva aganaha.
Ia Asian Boxing Championship-o me•asarangna bate medal-rangko cheahani gimin ua me•chik dolko aro me•asarangoni Vishwanath Suresh-koba mittele aganangaha.
Ia Asian Boxing Championship-o India dolni chu•sokgipa ong•aniara da•o ong•atna sienggipa Commonwealth Games-naba ka•dongataniko ra•baani gita ong•aha ineba Santiago Nieva aganaha.
Na·simang iakoba nina man·gen:
Na·simang iakoba poraina man·gen: ULFA-I chief ma•ambini nok sambao slai goa
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
