New Delhi, July 18: Parliament-ni Monsoon Session-ko da·o adita salrangni gisepon a·bachengna siengahani gimin Robibar salo a·songni Prime Minister Narendra Modi, dingtang dingtang dolrang baksa tom·aniko ong·atangenba, Monsoon Session-o chanchina nanggipa kamrangni bidingo agangrikangaha.
Ia tom·anio dol 33 political dolrangoni sak 40-na baten dilgiparang bakko ra·angaha.
Parliamentary Affairs Minister Prahlad Joshi-ni u·iatani gitade, ia tom·anio Modi, dingtang dingtang dolni dilgiparangna aganprakengon, opposition dolrangko man·chape pilak dolni ku·pattianirangan sorkarina namen gamchatgipa ong·a ine parakangaha.
Monsoon Session-ko ong·atanio namgipa aro bite nanggipa jera ra·grikaniko dakchina gitaba ua dingtang dingtang dolni dilgiparangko didiangaha.
Ia Monsoon Session-o ming 17 bill-rangko Lok Sabha-o aro ming 5 bill-rangko Rajya Sabha-ona ra·angna tarisoengahachim.
Opposition dolrangba, petrol aro diesel-ni damrang tang·dororoangkuengani gimin, Covid-19-ko warachakani gimin aro tikarang chu·ongjani gimin Parliament-o sorkari baksa jera ra·na tarisamsoskaengaha.
