Tura, Nov 16: Bristibar salo, Lok Sabha-ni Member of Parliament (MP), Agatha K Sangma, skanggipa changna Zip Lining-ko Aminda Rangsa-o oprake on•angaha. Ia project, Meghalaya Tourism-ni a•bachengatgipa ong•a aro ia Zip Lining-ko Aminda Rangsa Eco Tourism Co-op Society-ni gita donsogimin niamrangko ja•rike nirokaniko dakanggen.
Garo Hills a•jani bako skanggipa changna Zip Lining-ko a•bachengataniara mikkangchi tourist-rangko salbana gita man•gnok ine aganan baksa A•dokni Tourism Department-ni rake kam ka•anina, a•dokni MP, Agatha Sangma de•mitele aganangaha. Unbaksana, a•dokni Chief Minister Conrad K Sangma, dingtangmancha Tourism-ko gamchate ra•a aro a•doko Eco-tourism aro Adventure Tourism-ko apalbatatna jotton ka•enga aro a•jani manderangni janggi tanganiko tangdoatna cholrangkoba on•enga ineba ua aganangaha.
Indake, North Garo Hills-o Paragliding-ko ong•atani aro Nongalbibra jolo River Rafting-ko dakaniba Adventure Tourism-ni tangdoaniko mesokani ong•a aro iarangchi a•jani manderangna janggi tangani cholkrangkoba on•ani ong•a ine ua agandapangaha. Indake, ua jolni manderangna bil ama dipet dakchakanikoba on•gen ineba ua ku•rachakangaha.
District Tourism Officer, Ava Sherin Sangma, District Tourism Department-ni gita sak 8 manderangko Pioneer Adventure Tours-ni East Khasi Hills a•jani Mawkdok-o Zip Lining training-ko June, 2023-o ong•atanio bakko ra•na gita seokaha aro ia training-na West Garo Hills a•jani District Tourism Office-ni gita tangka paisachi dakchakaniko on•aha ine talate on•angaha.
Aminda Rangsa Eco Tourism Co-op Society-ni membor Jengman Sangmaba, Cherrapunjee Sohra-ni Mawkdok-o anti gittamna ong•atgipa training-o bakko ra•angani gimin talate on•angaha, unbaksana, ia Zip Lining-ko November 18 tarikoni dipet pringni 10 bajioni attamni 4 bajiona chalaignok ineba u•iataha.
WATCH:
Find latest news from every corner of Northeast India at hubnetwork.in, your online source for breaking news, video coverage.
Also, Follow us on-
Twitter-twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/nemediahub
