Shillong, Nov 13: Da•al salni bako nachil knagijagiparangna dingtangmanchagipa Sound Centre ko Pa Avinash Pawar, Managing Director, WS Audiology aro gitcham cricket kal•susagipa aro Sound Ambassador Padma Shri Syed Kirmani oprake on•angaha.
Knajolna man•gipa ba Ready2hear Sound Centre chu•gimik knaani aro nachil kna•atna dakchakgipa bosturang gnang jeon sana bananiko dakna sikgiparang rongtale kna•atna dakchakgipa bosturangkoba jakkalangna cholko man•gen. Sana bananiko nanggipa pilakan bosturangko bree jakkalna skangan uni kam ka•aniko ninagita uko gane ba teke nina man•an baksana uamangko santimgiparangba bosturangko maidake jakkalna nanga aro uarangni gam•ani gipinrang baksa dingtanggrikaniko ui•e ra•jolna cholko man•gen ine Pa Avinash Pawar oprakani somoio aganangaha.
Ia nachil knagijarangni Centre ko Audiology ni a•bakkuo mingsinggipa Ma Jermica Pyrbot nirokan baksa chalaianggen jean nachil knagijarangni bidingo namen ui•gipa ma•sigipa ong•a aro 2012 bilsionin ua sorkarina kamko ka•enggipa ong•a.
Sound Centreko kuliani miksonganide Shillongo nachil knagijarangna a•gilsakni nambatgipa knaani cholrangko on•nanin ong•a ine Ma Jermica Pyrbot aganangskaaha.
Knajolna man•gipa ba Ready2hear Sound Centre an•sengbegipa Shillong songjinmao donga aro chu•gimik kna•atna dakchakgipa bosturang gnang baksa bi•sa, dal•gimin aro bilsi bregiminrangna sana bananiko on•giparangba chu•ongen donga.
Ready2hear ko 2007 bilsio a•bachengaha aro Shillong songjinmao knaatna dakchakgiparangoni mongsonggipa ong•enga. Nachil knagija sakantinan a•gilsak baksa apsangipa nambata sana bananiko aro bosturangko sokate on•anian uamangni niksamsoe kam ka•ani ong•a.
Sound Ambassador Syed Kirmani jean loyal widex Moment ko jakkalgipa saksa ong•a uani rongtalbee knana dakchakaniko ua oprake on•ani somoio parakangjolaha. Widex Moment hearing aid gesa knana dakchakgipa bosturangoni mingsa ong•a jean rongtalbe•e aro mamung ja•manchakagri knana dakchakgipa ong•a jean Widexni agilsako mingsinggipani gunko nambee jarikanian ong•skaa.
Ia gitalgipa Centre pilak nachil knagijagipa sakantinan uamangni neng•nikaniko, aro bi•sarangnaba sana banani baksa knaatna dakchakgipa bostukoba aro ku•sik agana skianirangkoba nangani kri dakangjolgen.
Ia Centre o Tinnitus ba nachil ning•o gambingbinge dongtoatgija saanirangkoba nirokanggen aro Hearing screening (OAE aro BERA), Widex Digital Hearing Aid, Battery rang aro knaatna dakchakgipa dingtang dingtang bosturangkoba man•angjolgen.
