28.8 C
Tura
spot_img

National Voters Day-o e-EPIC-ko Election Commission a•bachengatgen

Must read

Shillong, Jan 19: Re·baenggipa January 25 tariko National Voters Day ko maniani salo electronic-Elector’s Photo Idenity Card (e-EPIC)-ko Election Commission of India (ECI) a·bachengatgen ine u·iataha.

“National Voters Day-ko maniani salo e-EPIC-ko a·bachengatani bidingo ECI, a·songo songdongenggipa manderangna parakatgen,” ine Meghalaya a·dokni Chief Electoral Officer (CEO) Pa. Frederick Roy Kharkongor parakataha.

Kharkongor-ni u·iatani gitade, e-EPIC-ara namen     dingtangmanchagipa gital kol ong·a aro iako pu·ongipa mande sakantian ‘vitual EPIC’ minggipa voter App-chi an·tangtangni mobile phone-rango download ka·na man·gen.

“Da·o dipetde an·ching an·tangtangni EPIC-ko hard copy card-osa jakkalengani gimin bang·bata changon manderang an·tangtangni ID card-rangko gimaatronga aro dongualronga. Indiba da·ode e-EPIC-ko a·bachengatna am·engahani gimin an·ching an·tangtangni mobile phone-rango voter App-ko sikdepen ID card-rangko nina ba mesokna man·aignok,” ine a·dokni CEO parakataha.

Kharkongor-ni aganani gitade, e-EPIC-ko DigiLocker-o done mande sakantinan pincoderangchi teke donna man·gen uni gimin ian naljokgipaba ong·gen.

Ia e-EPIC-ni gimin common service centre-rang, songni nokni manderangnaba dingtangmancha talate on·anirangko dakanggen ineba ua parakataha.

M’laya-o me•asarangna bate me•chik pu•ongiparang bata

Indake ong·engon, re·anggipa January 15 tariko Meghalaya a·dokni electoral roll-rangko Election Commission-ni gital dake chapa ka·taianio, me·chik pu·ongiparang sak 24,593-na baten me·asa pu·ongiparangna bataha ineba a·dokni CEO parakataha.

Kharkongor-ni parakatani gitade, Meghalaya a·dokni electoral roll-rangko gital dake chapa ka·taianio gimik sak 20,16,566 voter ba pu·ongiparangko segataha aro ianoni sak 10,20,579-de me·chikrang aro sak 9,95,986-de me·asarang ong·a.

Indake ong•engon, re•anggipa January 15 tariko Meghalaya a•dokni electoral roll-rangko Election Commission-ni gital dake chapa ka•taianio, me•chik pu•ongiparang sak 24,593-na baten me•asa pu•ongiparangna bataha ineba a•dokni CEO parakataha.

Kharkongor-ni parakatani gitade, Meghalaya a•dokni electoral roll-rangko gital dake chapa ka•taianio gimik sak 20,16,566 voter ba pu•ongiparangko segataha aro ianoni sak 10,20,579-de me•chikrang aro sak 9,95,986-de me•asarang ong•a.

Meghalaya a·dokni electoral roll-rangko gital dake chapa ka·taianio skanggipa changna me·a ba me·chik ong·gijagipa (third gender) manderangkoba biming segataha ineba Kharkongor parakataha.

spot_img

More articles

spot_img
-->

Latest article