Shillong, Nov 6: Sombar salo, National Cadet Corps (NCC)-ni bilsi 75 gapaniko maniani gita, NCC-ni Northeastern Region Car Rally-ko Shillong-ni Soso Tham Auditorium-o, Meghalaya-ni skotong Minister Conrad K Sangma a•bachengate on•angaha.

“Batanggimin bilsi 75-ni gisepo, na•simangni chadambeni salrango a•songtang chigatangko warachakna aro silroro namroroatna gita namgipa cholon bewalo a•songko rikanio dontongpilgija jotton ka•ahanina, NCC-ko Anga dingtangmancha mitelna ska aro angni katchaaniko on•paa. Ia car rally-ko ong•atania, gamchatgipa aro orto gnangani ong•a maina ian chadamberangna, gipin a•dokni manderang baksa gronggrikna gita chol on•ani ong•a aro ian a•song gimikko apsan ong•atgen, meli nangrimani aro saksa sakgipinko ma•sichakgrike mande ra•grikaniko ong•atgen” ine Conrad K Sangma aganangaha.

Unbaksana Maruti Suzuki-koba iandakgipa manianirangko ong•atanina ua mitelangaha.
Indake, ua NCC-na chakpaaniko aganan baksa sorkarini on•enggipa Yess Meghalaya schemeni bidingo kan•dike talate on•angaha jeon chadamberangna tangka paisachi gong 1 lakh-rangona dakchakaniko on•engachim. Sorkarini gita iandakgipa 3000 dolrangna dakchakaniko on•aha aro mikkangchi 10,000 dolrangna dakchakaniko on•gen ine niksamsoanikoba parakataha.

Unbaksana, Meghalaya Grassroots Program-ni bidingoba ua kan•dike talatangaha.

Maruti Suzuki-ni ong•atenggipa Special Outreach Program-ko a•bachengatanio, bol 12 Maruti Suzuki Jimmny garirang Shillong-oni re•chakatange India a•songni Manipur a•dokko donchange, Salgro salaram a•dokrangko wenange, NCC Day-ni salo Guwahati songjinma-o matchotatgen.

Ia dalbegipa Program-o, NCC aro gisiko nanggipa dingtang dingtang chimonggimin dolrang jekai, dam 6 a•dokrangni dam 44 a•jarangoni ge 277 skulrang, ge 151 college-rang nangrimenba bakko ra•ani ong•achim.

Ia Car Rally-ko ong•atani miksonganiara, chadamberangni gisepo meli nangrimanio ka•dongani, dilgipa ong•anina didiani aro a•songtangna ka•sae on•kangna gisiko sikgiparang ong•na ine ong•achim.

Iakoba poraie nina man·gen: Khasi aro A•chik ku•sikko apalbatatna name am•sandianiko dakgipana tangka paisani gita dakchakaniko on•gen: Conrad

Watch

Find latest news from every corner of Northeast India at hubnetwork.in, your online source for breaking news, video coverage.

Also, Follow us on-

Twitter-twitter.com/nemediahub

Youtube channel- www.youtube.com/@NortheastMediaHub2020

Instagram- www.instagram.com/nemediahub