Shillong, Nov 4: Sonibar salo, India-ni Constitution-ni Eighth Schedule -o Khasi aro A•chik ku•sikko chapatchina dabiengon, Meghalaya sorkarini gita, ku•tangko silroro namroroatna aro apalbatatna rake kam ka•an baksa ia ku•sikrangko Eighth Schedule-ni ning•o chapatako man•a ka•donsoenga ine ku•rachakaniko on•angaha. Indaken, ku•tangko aro jatni dakbewal rikbewalrangko gam gnangatgipa project-rangna aro ku•tangko silroro namroroatna aro apalbatatna am•sandie ki•tap segiparangna tangka paisachi dakchakaniko on•enga ine a•dokni skotong Minister Conrad K. Sangma parakataha.

Indake, Babu Hajom Kissor Sing-ni chang 100gipa siani salko gisik ra•aniko dakna gita Unitarian Union North Eastern India-ni gita Babu Hajom Kissor Sing Memorial Lecture -ko Shillong-ni U Soso Tham Auditorium-o ong•atanio jinmana aganengon, an•chingni Khasi aro A•chik ku•sikko aro dakbewal rikbewalrangko tang•doatna gita ku•cholsan ong•e ja•ku de•na gita nanggen ine Skotong Minister aganangaha.

Unbaksana, India-ni Constitution-ni Eighth Schedule-o Khasi aro A•chik ku•sikko chapatchina mol•molaniko ra•chakchina sorkarini gita krenge dontongpilgija jotton ka•enga ine ua agandapataha.

Unbaksana, Meghalaya Legislative Assembly, ia ku•sikrangni bidingo Orientation Programme-rangko a•bachengatengaha jeon Garo Hills-ni dingtang dingtang MLA-rangna Khasi ku•sikni gimin aro Khasi-Jaintia Hills-ni MLA-rangna A•chik ku•sikni gimin skie on•anggen ineba Conrad aganataha.

A•dokni porikkarango ia ku•tangchi segipa ki•taprangko nangchongmotgipa subject-rang ine changen ineba ua u•iatangaha.

Iakoba poraie nina man·gen: Garo Hills-o me•chik bi•sa sakgniko drae til•eka; dos dakgipa manderangko rim•a

Watch

Find latest news from every corner of Northeast India at hubnetwork.in, your online source for breaking news, video coverage.

Also, Follow us on-

Twitter-twitter.com/nemediahub

Youtube channel- www.youtube.com/@NortheastMediaHub2020

Instagram- www.instagram.com/nemediahub