Guwahati, Jul 26: Assam a·dokni Dima Hasao a·jao gimaenggipa Assam Forest department-ni sak 23 manderang aro gipin sakgittam manderangko salgnimangni ja·man, Robibar pringo naljoken man·pilaha ine Assam a·dokni Forest Minister Jayanta Mall Baruah, Robibar salo parakataha.

Official-rangni u·iatani gitade, Range Officer Donmai Thaosen-ni dilanichi Forest department-ni survey dol, Langting, Hatikhola aro Khepre jolrango donggipa buringrangko survey ka·na, Bristibar salon re·angaha indiba Sukrobar attamni 3:30 bajimango bon·kame agangrikani ja·mande, uamang baksa agangriktaina man·jahachim.

Karbi Anglong aro Nagaland a·dokni simao donggipa buringrango, mobile network-ko name man·jani a·sel, survey ka·enggipa Forest dolni manderang, gipinrang baksa agangrikna man·taijaha.

Salgnimangna ia survey ka·enggipa Forest-ni manderang baksa agangrikna man·jahani gimin Forest department, Police aro District Adminisration-ni official-rang, drone-rang aro IFS dolni dakchakanichi, ia manderangko sandina a·bachengataha aro gimaenggipa manderangko, maming a·sel nanga grian Robibar pringo tom·tome man·pilaha ine Forest Minister parakataha.

Ia manderangko sandina dakchakgipa official sakantikon aro Forest department-ni manderangkoba, uamangni diltubegipa aro ga·nanggija biaprangona kam ka·na gita an·tangtangko on·kange re·angahani gimin Baruah mittelpilangaha.

Na·simang iakoba nina man·gen: 

Na·simang iakoba poraina man·gen: Dharmendra Pradhan-ni kam watanina dingtang dingtang dolrang kusi ong·aniko paraka

na·simang hubnetwork.in, oniko video-ko niangan baksa poraina man·gen.

Chingko ka·mao mesokgipa social mediarango jarikna man·gen:-

Twitter- twitter.com/nemediahub

Youtube channel- www.youtube.com/@NortheastMediaHub2020

Instagram- www.instagram.com/ne_media_hub