Tura, Jul 26: Re·baenggipa 2027 bilsio Meghalaya a·doko sokachakna sienggipa chang 39-gipa National Games-na tarisamsoani bak gita Robibar salo, West Garo Hills District Shooting Association (WGHDSA), skanggipa changna Shotgun Skeet Shooting practice-ko Tura-ni samba jolo donggipa Edenbari-o ong·atangaha.
Ia Shotgun Skeet Shooting practice-ko ong·atani bidingo association-ni president Proley M Sangma, Hub News-na talate on·angengon, re·baenggipa 2027 bilsio ong·atna sienggipa National Games-na tarisamsoani bak gita ia Shooting practice-ko ong·ataha aro iano bak ra·na gita Meghalaya a·dokni dingtang dingtang biaprangoni gimik sak 26 manderangko seokaha ine parakataha.
Ia cholko, Deputy Commissioner (DC) office aro Police department-ni official-rangnaba on·angaha ine janapatengon, seokako man·gipa sak 26 manderangoni sakdokde me·chikrang ong·a ine Sangma aganaha.
Practical session-ko ong·atanio me·chik saksako man·chape gimik sak 15 manderangsan bak ra·aiaha ineba WGHDSA-ni president aganaha.
Practical session-na skang, Don Bosco School-ni on·gipa kuturio, classroom orientation-ko ong·atangaha aro uni ja·man bak ra·gipa manderangna, Shillong-oni re·bagipa association-ni secretary aro gipin skigiparang, nisanrangko gona gita skie on·angaha.
Ia training-ko ong·ataniara re·baenggipa 2027 bilsini National Games-na selection camp ba seokani program gitaba ong·aha aro bak ra·giparangko, uamangni goanio pangchake, skie on·angkuna gita da·o sakchet manderangko seokanggen ine WGHDSA-ni president aganaha. Ja·mano sakchetoniko bon·kame, Meghalaya a·dokni pal National Games-o bak ra·na gita sakbriko seokanggen ineba Sangma aganaha.
Changgipin training-ko North Garo Hills a·jao ong·atangskanaba gnang ineba association-ni president aganaha.
Na·simang iakoba nina man·gen:
Na·simang iakoba poraina man·gen: M’laya sorkari, WCOPA champion Kitkupar Nongsiej-na jinma rimchaksoaniko dakanga
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
