New Delhi, Jul 27: Gari gora jakkalgipa manderangna, ethanol bringipa to (E20) baksana petrol-manchakoba brena chol on•china gita gital bikotgipa consumer rights group (CRG) dabiangenba, ian politics-ni gimin ong•ja indiba manderangna on•gimin bil aro jakgitelaniko jakkalna dabianisa ong•enga ine parakataha.
Uamang, sorkarini rongtalgipa toko jakkalna gita torango ethanol brinakode jegalenga ong•ja indiba ian gari gorana kragipa toko jakkalna gita mande on•gimin jakgitelaniko dabiani gitasa ong•enga ineba CRG parakataha.
CRG-ni parakatani gitade, ian torango ethanol brinaniko ra•pilchina ba subsidy-rangko on•skachina dabienga ong•ja indiba gari gora jakkalenggipa manderangna, ethanol bringipa aro bringijagipa petrol minggnioniko basee brena cholko on•china dabianisa ong•enga.
Ethanol bringipa petrol ba torangko jakkalanio gari nokgiparang bang•batan, suk ong•nikgijako paraktokaha janapatengon, gari gora jakkalenggipa manderangni namgnina ethanol bringijagipa petrol-rangko paltaipilchina, E20-ni garirangna nangchakeaniko am•sandie chapa ka•china aro manderangna on•gimin bilko warachakchina CRG, sorkariko didiangaha.
Indake ong•engon, re•baenggipa March 31 tariko, ‘Gaadi March, Gandhi March’ ine pangchakaniko donenba, tom•tome re•jomaniko New Delhi-o ong•atanggen ine Team Bharat parakataha. Ia re•jomaniko India Gate-oni a•bachengate, Parliament Street sambao matchotatgen ineba Team Bharat u•iataha.
Gitcham garirangna ethanol bringijagipa to (E10)-ko jakkalna on•pilchina, ethanol bringijagipa petrol-na damko komiatchina aro E-20-o nangchakegipa niamni lekkarangko jinmana mesokchina gitaba Team Bharat dabiangaha.
Na·simang iakoba nina man·gen:
Na·simang iakoba poraina man·gen: Assam a·dokni Sivasagar-o chi ban re·anichi sak lak 4 mangni gita nangchakeako man·a, sak 30 sia aro sakbri gimaa
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
