Shillong, June 24: Shillongni NEIGRIHMS-ni adita sak specialist doctorrang saksa bilongen saenggipa dambe me·chiko India-ni Salgro-Salaram-o skanggipa changna airway procedure-ko ka·e knaronggijagipa aro namgijagipa ka·sopni sabisioniko jokataha.
Saenggipa me·chik mingsa knaronggijagipa aro be·enko ratani ba surgeryni ja·mano neng·nikatgipa “Stump Blowout” minggipa sabisiko man·aha aro iano mitipgimin balwani ramarang kulipilenba, ka·sopo sabisi aro janggina kengnigipa pneumonia-ko ong·ataha. 2019 bilsio ua lung resection surgery-ko ka·ahachim indiba ua rang·gitik saanirangko man·taiaha.
Uni be·en namen bilgriaha aro sabeahani gimin uko surgery ba be·enko rattaina man·jaha ine nika, medical team uko ICU-o single-lung ventilationko jakkale donaha. Uni ja·mano namen kenbegnigipa surgeryko ka·ani palo, dingtangmancha taridapgimin Y-ni bimangni silicone stent-ko jakkalskaaha.
Nosto ong·gimin balwani ramako dikdiksana mitipna ia stent-ko jakkalae, aro sabisiko uni namgipa ka·sopona sokangaoni champenge, sagipa mandeko ventilator gri rang·sitna on·aha. Ian metallic stentrangoni dingtanga maina ia silicone stentko be·enko surgery ka·taina namjoko namedake ra·ongkate galpilna man·gen.
“Ia dingtangmancha balwa ramako tarianichi sabisiko warachakna aro sagipa mandeko bilakatna chingna gamchatgipa somoiko on·aha” ine ia kamrangko dakdilggipa, Department of Pulmonary Medicine-ni Associate Professor Dr, Vijay Noel Nongpiur talataha. Unbaksa, Department of Cardiothoracic and Vascular Surgery, aro Pulmonary Medicine-ni Dr. Advait Mohan bakrime kam ka·aha.
Ia namen kenbegnigipa kamko ka·anio Dr. Aravind (Senior Resident) aro Dr. Priyanka Dev (Associate Professor) anesthesia-ko on·aha.
“Ia dal·gipa chu·sokaniara NEIGRIHMS-nasan ong·aija indiba Salgro-Salaram jolgimiko sanna-bananiko dakaninaba ong·a. Ian chingni dakna amaniko, sagiparangna simsakaniko mesoka,” ine NEIGRIHMS-ni Director Prof. Nalin Mehta kusi ong·bee parakataha.
Na·simang ia video-koba nina man·gen:
Na·simang iakoba poraina man·gen: M’laya-ni Sports Association-rangna cr 39 tangkarangko CM on•a
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Instagram- www.instagram.com/ne_media_hub
