Shillong, July 10: Robibar attamchibara, New Shillong Township, Umsawli-o donggipa Institute of Science and Bio Resource (ISBR) nok ning·aniko sakgittam manderangni manggisirangko man·aha, aro ia obosta re·anggipa anti Sukrobar salon ong·na nanga ine chanchichipenga.

Koborni gitade, research institute nok ning·achini soa sengbaani bibako man·ani ja·manosa jolni Rangbah Shnong, sakgittam manderangni manggisirangko man·ahachim aro ia obostako bakan attam 5 ata bajimango Mawdiangdiang police outpost-na u·iataha.

Aganani gitade, uamang sakgittaman ISBR-o kam ka·giparang ong·achim, jeoni saksara cleaner ka·gipa bilsi 40 -ong·gipa Sheba Kharbani, bilsi 43 ong·gipa Rupert Donbor Dohtdong aro bilsi 30 ong·gipa Backstar Kharkrang ine ma·sina gita man·aha aro gimikan Mawlai Phudmawri-o donggiparang ong·achim.

Me·chik saksani manggsiko kuttuti ge·saoniko man·aha, uandake sakgnini manggisirangko ge·gipin kutturioniko man·skaaha aro manggisirangko ja·mano rate porikka ka·na gita NEIGRIHMS-china ra·angaha ine koborna u·iataha.

Ia obostani bidingo police-ni aganani gita, uamangoni sakgnide re·anggipa anti Bristibar salo institute-ni sambajolo donggipa buringoniko me·gimu okna re·angahachim, jeko cha·esa uamang sakgitaman sina nanga ine chanchichipenga aro song·gimin me·gimuko chipchakanio donakoba ge·sa kutturioniko nikna gita man·ahachim.

Ia ong·a obostani bidingo, ong·bewal gita sigijani mamlako police station-o segatangaha aro ia mamlakoba Crime Scene Unit-chi sandirokaniko dakataha ine koborna parakataha.

Iakoba poraie nina man·gen: Meghalaya High Court-ni Annex building-ko CM nokdonggae on·anga

WATCH:

Find latest news from every corner of Northeast India at hubnetwork.in, your online source for breaking news, video coverage.

Also, Follow us on-

Twitter-twitter.com/nemediahub

Youtube channel- www.youtube.com/@NortheastMediaHub2020

Instagram- www.instagram.com/nemediahub