Shillong, Feb 15: National Green Tribunal (NGT)-ni dongimin niamko pe·e Meghalaya a·doko niam gri koelarangko bikotanina, ia bilsini January 1 tarikoni February 14 tarikona gimik sak 14 manderangko rim·aha ine kam ra·jitatako man·gipa East Jaintia Hills a·jani gitcham Superintendent of Police (SP) Vikash Kumar parakataha.
Mynsyngat-Thangsko jolo donggipa koela a·kolo a·sel ong·na skang, gimik ming 69 FIR-rangko ka·aha ine u·iatengon, ia ming 69 FIR-oni ming 62-de niam gri koela bikotanina, ming 5-de niam gri koela salanina aro ming 2-de niam gri koela bikotanio gopretgipa bosturangko jakkalanina ong·a ine Kumar aganaha.
Ia bilsini gisepo metric ton (MT) 15,224 koela, gari bolbonga, kg 25.5 Gelatin aro ge 74 detonator-rangkoba rim·na man·aha ine Kumar parakataha.
Mynsyngat-Thangsko jolo donggipa koela a·kolo gopretani gimin janapatengon, iani bidingo police-rang, Ernest Swer aro Rangsing Syiemlieh minggipa mande sakgniko rim·dapna man·aha aro da·o ia a·selna rim·ako man·giparang gimik saksni gapengaha ine Kumar parakataha.
Mande sakgni, chong·motan Sahanaj Uddin aro Abansan Syrti-ko police-rang, niam gri koela bikotanina Umthe-oniiko rim·aha aro Narayan Majumdar, Salim Uddin baksana Safrul Islam Choudhury-kode gopretgipa bosturang baksa Umpleng-oniko rim·na man·aha.
Rishna Sutnga aro Skhemborlang Kshiar-koba police-rang, niam gri koela salanina Umkiang-oniko rim·aha.
Na·simang iakoba nina man·gen:
Na·simang iakoba poraina man·gen: Arunachal-o chang 56-gipa Tamla-Du Festival-ko ong·ata
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
