Shillong, Dec 4: Meghalaya a•doko National Highways & Infrastructure Development Corporation Ltd (NHIDCL)-ni jako ra•e ka•enggipa project-rang, chong•motan rama jal•lang tariani kamrangko a•dok sorkari, Sombar salo nipilangaha.
Ia tom•aniko a•dokni Chief Minister Conrad K Sangma dilangaha aro tom•anio dingtang dingtang department-ni officer-rang, a•dok gimikni deputy commissioner-rang aro mongsongbate kamrangko ka•enggipa contractor-rangba bakko ra•angtokaha.
Tom•a matchotani ja•man, kobor ra•timgiparangna talate on•angengon, NHIDCL-ni jako ra•e ka•enggipa pilak project-rangkon sorkari niangaha aro contractor-rangna kamrangko matchotatna gita dingtangmancha somoiko donchina ge•etaniko on•aha ine Chief Minister parakataha.
Kamrangko ka•anio contractor-rang mai dakgipa neng•nikanirangko chagrongna nangenga, uarangko sing•e ra•enba nangani kri uamangni neng•nikanirangko namatchina officer-rangko ge•etaha ine janapatengon, ia somoiara kamrangko ka•ani somoi ong•engahani gimin kamrangko somoi gita matchotatna sorkari nangnikenga aro kamrangko sorkari da•o somoi gita nirokjringgnok ine Chief Minister aganaha.
Kamrangko ka•anio basakobade a•arangko ra•anio, buring bolgrimrango donggipa bol wa•arangko den•na nanganio aro uandakgipa dingtang dingtang neng•nikanirangko chagrongna nangronga ine janapatengon, da•o ia pilak neng•nikanirangko nirokchina gita official-rangna ge•etaniko on•manahani gimin mikkangchide kamrangko nambate ka•na man•gnok ine Chief Minister, an•tangni ka•dongchakenganiko parakataha.
Ia tom•anio, Nongstoiñ-Wahkaji rama, Ranikor-Nonghyllam-Maheshkhola-Baghmara rama, Shilllong-Dawki rama, Western Bypass aro uandakgipa ramani kamrangkoba sorkari niangjolaha.
Iakoba poraie nina man·gen: Telangana-o sildoreng ga•aksrue a•sel ong•anio IAF-ni pilot sakgni sia
Watch
Find latest news from every corner of Northeast India at hubnetwork.in, your online source for breaking news, video coverage.
Also, Follow us on-
Twitter-twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/nemediahub
