Imphal, July 30: Jatgnini gisepo kajia-golmalrang ong·anchi so·so-jengjeng ong·anggipa Manipur a·doko rakkie donako man·enggipa a·songgipinchi niam gri katbrangbae donggipa manderangni biometric data-rangko Manipur sorkari ra·chimongna gita a·bachengataha.
Iako dakatani bidingo koborna parakatani gita, gipin a·songrangchini katbrangbae niam gri songdonggipa manderang jeba ong·gija dakgipa cholrangchi India a·songo songdongkamna man·ani bilko dake-ka·e ra·na man·jana gita miksongani ong·enga.
Unbaksana, manderangni biometric data-ko chimonganichi gimikni gimin ma·sie ra·ani database-ko a·bachengate a·doko niam gri katbrangbae songdonggipa manderangni gimin ma·sina aro uamangko a·songtangchi watpilatanio nambate kamrangko ka·na, authority-rangna dakchakaniko on·na gita miksonganiba ong·jola.
Ia naljokaniko on·ani kamko a·bachengatanichi, India a·songo songdongkamgiparangna kakket ong·aniko rakkiani gisepo, a·doko songdonggipa manderangna aro gamrangna naljokaniko on·na gita Manipur sorkarini nangnikenganiko nikna gita man·enga.
Iakoba poraie nina man·gen: Tura-o so•sojengjeng ong•anina sakkirango pangchakesa ja•kuko de•enga: CM
Watch
Find latest news from every corner of Northeast India at hubnetwork.in, your online source for breaking news, video coverage.
Also, Follow us on-
Twitter-twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/nemediahub
