Tura, Apr 8: Niam gri koela bikotani aro salruraaniko champengna gita miksonganio Meghalaya High Court-ni gitcham judge BP Katakey, Budbar salo, West Khasi Hills aro Garo Hills-ona wenbaaha.
Katakey-ni Garo Hills-ona wenbaanio ua, North Garo Hills a•jani Deputy Commissioner (DC) office-o dingtang dingtang official-rang baksa tom•aniko ong•atangaha aro ia tom•anio, Garo Hills-o koela bikotenggipa pilak a•jani DC-rang aro superintendent of police (SP)-rangba bak ra•angaha.
Ia tom•anio, High Court-ni gitcham Judge BP Katakey, official-rang baksa chanchirimangengon, niam gri koela bikotani aro salruraaniko champengna gita rakbate kamrangko ka•china didiangaha.
Iana skang ua, West Khasi Hills a•jani Hatiabari-onaba niam gri koela bikotanirangko sandina re•angaha aro ua Directorate of Mineral Resources (DMR)-ni official-rangko, bilakbate nirokchina aganangaha.
Uni ja•man BP Katakey, North Garo Hills a•jani Sarangma-onaba re•ange, Smart Coal Gate baksana DMR aro Transport department-ni chalaienggipa check gate-rangkoba niangaha. Koelarangko Mendipathar Railway Station-oni dingtang dingtang biaprangona ra•angengani gimin ia railway station-onaba Katakey re•ange, kamrangko niangaha.
Na·simang iakoba nina man·gen:
Na·simang iakoba poraina man·gen: 2026 bilsini Assam Assembly election-na campaign ka·ani matchota
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
