Shillong, Feb 25: A·doko koela-ko niam gri badinggiparang aro bregiparangni bidingo Meghalaya High Court a·dok sorkariko Judicial Enquiry Commission-ni gita am·sandichina ge·etangaha.
Ian adita salrangna skang East Jaintia Hills a·jani Mynsyngat-Thangsko-o koela a·damo gopretanichi sak 33 manderangni janggi galani ja·mano ja·ku de·ani ong·a.
Division bench-ni Justice HS Thangkiew aro Justice W Diengdoh, commission-ni niamrang gimikkon man·gope tarigimin ong·genchimoba, ong·gimin obostani bidingo dos donggipa manderangko ba dolrangko kakket bichalona ra·baani cholrangko janapjaha ine Mongolbar salo parakataha.
Uandake, “koelarangko brena am·giparang dongjagenchimode niam gri koela cho·anirang dongjawachim, uni a·selan ia kengnigipa kamrangko ka·anio bang·a tangkarangko man·a” ine niam gri koela badinggiparang aro bregiparangni ku·mongrime kam ka·anirangni bidingo am·sandichinaba kacharioni ge·etaniko on·aha.
“Iandakgipa kamrango jak donggipa manderangko sandianirangkoba dakna nangchongmota ine chinga bebera·a,” ine bench agandapangaha.
Thangsko-o a·sel ong·gipani bidingo am·sandianirangko dakna bikotgimin Special Investigation Team-ni (SIT) bidingo, uni niamrangko nienba, SIT-ko dilna gita dal·bata senior official-ko rakkigen ine Advocate General-ni parakataniko kachari chu·ongnikaha.
Una agreba, niam gri koela badinganirangko dontongatna ka·enggipa kamrangni report-ko niatenba, mongsongbate da·o Thangsko-o a·sel ong·ani ja·mano, a·doko niam gri koela bikotanirangko dontongatna krenge kamrangko ka·na nangengkua ine kachari aganangaha.
Ia report-o FIR ka·anirang, manderangko rim·anirang, niam gri bikotgimin koelarangko jako ra·e donanirang, bretatna jakkalgiparang aro gipin bosturangko janapaha.
Indake ong·genchimoba, ia obostarangko namatna bang·bata ja·kurangko de·na nangengkua ine court aganangaha.
“Niam gri koelarangko bikotgiparangni bidingo sandianirangko dakangkuna nanga baksana, Thangsko-o a·sel ong·ani somoio nirokatenggipa a·jani official-rang, aro Directorate of Mining aro gipin Police official-rangni kosakoba niamo pangchake ja·ku de·na nangenga,” ine bench parakataha.
Unbaksana, niam gri bikotgimin koelarangko salruraanirang aro iandakgipa kamrango dakchake on·enggipa transport-ni official-rang, police, aro a·palchini manderangni bidingoba am·sandina nanga ine kachari aganangkuaha.
Uandake, nanggipa kamrangko ka·angkugen ine Advocate General ku·chake on·angaha, aro ia obostani bidingo bichal ka·anirangko March 5, 2026-o dakanggen ine tarik on·ataha.
Indake ong·engon, changgipino kachario mikkangpa·ani salo, East Jaintia Hills District-ni Superintendent of Police, Pankaj Rasgania, aro East Garo Hills-ni gitcham Superintendent of Police Vikash Kumar-ko dongpachina ge·etaniko on·ataha.
Na·simang iakoba nina man·gen:
Na·simang iakoba poraina man·gen: Suuri ga·akani a·sel Nathula Pass-ona re·enggipa bol 324 garirang jachanga
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
