Guwahati, Sept 18: Re·anggipa September 14 tariko, hostelni kutturio kadingdee sigipa chatro Koj Buker-na kakket bichalko on·china dabie, National Institute of Technology (NIT) Silchar-o poraienggipa chatro-chatrirang Sombar salo Satyagraha ba tom·tom re·jomaniko campus ning·ao ong·atangaha.

Sianggipa chatrona kakket bichalko on·china dabiangengon, Koj Buker-na kakket bichalko on·china dabian baksa, BK Roy-koba kam watchina gita dabie chatrorangni ua somoio lekka pal·takrango see jingjengataniko nikna gita man·aha.

Institute-o Electric Engineering-ko poraienggipa, Arunachal Pradesh-oni chatro Koj Buker sagini manggisiko re·anggipa anti Sukrobar salo hostel-ni kutturi ning·o dingdee dongako man·ahachim.

“Koj, saksa gisik aro be·enni gitaba mangrakgipa mande ong·a aro pekgipa ringaniko jakkalgipaba ong·jachim, indiba NIT Silchar-ni administration, uko pekgipa ringaniko jakkalgipa aro gisikni gita tik ong·gijagipa mande ine uni kosako tol·e matnangaha, jean kakket ong·ja ine jingjengatgipaoni chatro saksa aganatenba, Koj Buker-na kakketgipa bichalko aro uni nokdangna gampilkaaniko chinga nangnikchongmota ine ua parakataha.

Uni an·tangko kae sianio chu·gimik daito gnanggipa Academic-ni Dean BK Roy-koba kam wataniko chinga nangnika maina, administration aro uni a·selsa da·alo ia obosta ong·aha ine ua aganangkuan baksa, uni kae siani ja·manoba sing·sandianiko dakna gita administration-oni darangba re·bajaha, uni gimin chingni ripengskana kakket bichalko chinga nangnika maina ua an·tangko kae sia ong·ja, uko so·otasa ine ua matnange agandapataha.

Indake ong·engon, ia mamlani bidingo Gymkhana Union Body, NIT Silchar, mija Sonibar salo Cachar-ni Deputy Commissioner-na memorandum-koba on·angaha.

Iakoba poraie nina man·gen: Gnigipa changna ‘Nokpante’ workshop-ko ong·atenga

Watch

Find latest news from every corner of Northeast India at hubnetwork.in, your online source for breaking news, video coverage.

Also, Follow us on-

Twitter-twitter.com/nemediahub

Youtube channel- www.youtube.com/@NortheastMediaHub2020

Instagram- www.instagram.com/nemediahub