Tura, Nov 10: Non-Government Primary skulni skigiparangkoba kamo regularize ka•ahani gimin Bristibar salo, Meghalaya a•dokni Chief Minister Conrad K Sangma-ko All Garo Hills Primary School Teachers Association (AGHPSTA) mittelpilangaha.
Bristibar salo, AGHPSTA-ni chang 45-gipa bilsini tom•bimonganiko North Garo Hills a•jani Kharkutta-o ong•atanio a•dokni Chief Minister-ba bakko ra•angpaahachim.
As the Govt, we feel satisfied to have fulfilled the long pending demand of the Non Government Teachers by finally taking a bold step of regularising them & extending the benefits which was demanded by the All Garo Hills Primary Teachers Association from 1994@dpradhanbjp pic.twitter.com/tyrvDzxK7A
— Conrad Sangma (@SangmaConrad) November 10, 2022
Garo Hills-ni Primary skulrangko 1994 bilsio GHADC-oniko a•dok sorkarina pakwate on•angskaahachim aro ia skulrangkon ‘Non-Government’ ine gadang donskaahachim. Ia skulrangko sorkarini jako pakwate on•a intalan ia primary skulrango skigiparang, an•tangtangni kamko regularize ka•china dabitokengachim.
Indake ong•engon, ia Non-Government Primary skulni skigiparangkoba regularize ka•ahani gimin Chief Minister-ko AGHPSTA mittelpilangaha.
AGHPSTA-ni tom•bimonganiko ong•atanio a•dokni Chief Minister, skigiparangna aganprakangengon, songsalni namroro silroroanio lekka porako on•aniara namen nangchongmotgipa aro mongsonggipa bak ong•ani gimin dingtang dingtang neng•nikanirangko chagrongna nangengoba sorkari, lekka porako mongsonggipa daito ong•e ra•enga ine parakataha.
Manipur aro Nagaland a•dok gita dake chonchongipa a•dokrang baksa tosusagenchimode Meghalaya a•doko skigiparang bang•batenga ine janapatengon, Meghalaya a•doko lekka porani namen tang•onengani gimin lekka porani a•bako tang•doatna gita batanggimin bilsibrini gisepo ia sorkari dingtang dingtang kamrangko a•bachengataha ine Sangma aganaha.
