Shillong, Oct 16: Salgro salaram jol gimiko Meghalaya a·dokmangmangsan private skulrangnaba dakchake on·enggipa a·dok ong·a ine Bristibar salo, a·dokni Chief Minister Conrad K Sangma parakataha.
East Khasi Hills a·jani Nongkrem Govt Upper Primary School-ni Platinum Jubilee manianiko matchotatanio a·dokni Chief Minister-ba bak ra·e, jinmana aganprakengon, sorkari skulrango skigiparangna crore 684 aro adhoc skulrango skigiparangni dormahana crore 917-ko man·chape gimik gong crore 1967 tangkarangko, skigiparangni dormahana koros ka·enga aro iandake salgro salaramni gipin a·dokrangode private skulrangna dakchake on·gipa a·dokrang dongja ine aganaha.
Meghalaya a·doko dam 4000-na baten private skulrang, sorkarini dakchakanirangko man·enga ineba ua aganaha.
Indita tangka paisarangko koros ka·ani ja·manba Meghalaya a·doko lekka porani gadang tang·dona man·jaenga ine an·tangni suk ong·gijaniko parakatengon, iani giminsa skigiparang, nambate kamrangko ka·na man·na gita skigiparangna training-ko on·skana sorkari ja·ku de·chakataha ine Chief Minister aganaha.
Ia skulni bilsi 75 gapanio, skulko dal·roroatna gita an·tangtangko on·kange kam ka·gipa gitcham principal-rang, skigiparang aro chatro chatrirangkoba ua mittelpilangaha.
Mandena u·i-ma·sianiko on·anio sorkarini koros ka·anirangko janapangengon, chatro chatrirangko aro skigiparangko namdapatanian nokrangko rikana bate namen gamchatbata ine Chief Minister aganaha.
Lekka porako namdapatna gita sorkarini on·kange kam ka·anirangkoba ia tom·anio Chief Minister, jinmana agan-talate on·angaha.
Lekka porako on·ani kamrango chagrongna nangenggipa dingtang dingtang neng·nikanirangko janapangskaengon, skigiparangna skie on·ani aro pilakni gitan namdapataniko ra·bana nangengani gimin Sangma aganangaha.
Ia skulko secondary-oni Higher secondary-ni gadangona ra·doatchina dabienggipani bidingo janapatengon, skulko ra·dona gita mol·molanikode uamang Education Minister aro official-rang baksa chanchichengna nangkugen indiba skulna computer room, computer-rang aro smart classroom-nade Chief Minister’s Special Development Fund-oniko ua tangka paisarangko dakchake on·gen ine Sangma ku·rachakaniko on·angaha.
Skulo poraienggipa chatro chatrirangna doka dam·ani bosturangko on·na gitaba ia tom·anio Chief Minister ku·rachakaniko on·angaha.
Ia manianio skulni Platinum Jubilee Souvenir-koba Chief Minister-ni jakchi oprake on·angaha.
Na·simang iakoba nina man·gen:
Na·simang iakoba poraina man·gen: Sak 11 Rohingya-rangko New Bongaigaon Railway Station-o rim·a
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
