Nongpoh, Sept 25: Budbar salo Nongpoh Civil Hospital-ni paksao walni 10:20 bajimango soroko a·sel ong·e motorcycle salgipa saksa janggi galaha.
Police-rangni aganani gitade KTM Duke motorcycle (ML 05 Y 3698) salgipa mande saksa ong·gija ramachipakni salbae Guwahati-oni Shillong-ona re·baenggipa night bus (AS 01 GV 3288) baksa nangtinggrikaha. Ia nangtinggrikanichi bus-o wa·al chadoaha.
Motorcyle-o salgipa mandeo wa·al kamdapa man·e biapon siaha. Uni kamgimin manggisiko post-mortem ka·na inenba Nongpoh Civil Hospital-ona ra·angaha. Ua mandeni gimin da·o dipet mamungkoba u·ikujaenga.
Nongpoh-ni Fire and Emergency Services-ni ta·rake re·baanichi, wa·al kamanirangko ta·raken namatna man·aha, uandake bus-o gadogiparangko mamung a·sel gri ong·katatna man·aha aro uamangoni darangba saknaaniko man·jaha.
Police-rang ia obostani bidingo am·sandianirangko dakna a·bachengataha.
Na·simang iakoba nina man·gen:
Na·simang iakoba poraina man·gen: NGH-o Blood Donation Camp-ko ong•ata
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
Download our app from playstore – Northeast Media Hub
