Shillong, Oct 13: Suspend ka·ako man·gipa North Shillong-ni MLA Adelbert Nongrum, Meghalaya Taxi Aggregators Operational Rules, 2020-ni niamrangko pe·e niamgri chalaienggipa dolrangko aro bike ba taxi-ko para on·enggipa Jets 24×7 ingipa dolko ja 11 mangna chalaigija donenganiko nirokatchina Deputy Chief Minister in-charge Transport Sniawbhalang Dhar-ko mol·molata.
Kobor ra·timgiparang baksa agangrikengon, pilak dakna nanganirangko matchotman·ahaoba, ja 11 mang ong·pilona kingkingba ia Jets24×7 doloni two-wheeler ba chakka ronggnigipa gariko para on·a man·jaenga ba uamang department-oni maini gimin maming u·iatani dongjaenga aro ian ra·chakna man·gijani ong·a ine Nongrum matnangataha.
Uasan ong·aigija, Meghalaya Taxi Aggregators Operational Rules, 2020-ni niamrangko pe·e licence grian ja 33 mangna chalaienggipa dolrangko maina nie dongenga ineba ua department-ni kosako matnangataha.
Indake, sorkari pangnan kakketket badingchiwalaniko dakenggipa dolrangko tang·doatna aro dakchakna nanga ineba ua janapataha.
Na·simang iakoba nina man·gen:
Na·simang iakoba poraina man·gen: Garo Hills-o pekgipa bosturangko man•a, dos dakgipa manderangko rim•a
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
