Sikkim, June 5: North Sikkim-ni Chhaten Army Camp sambao bilongbee a·a ruanichi mongsonggipa Phidang dollong nosto ong·atako man·enba, mingsingbegipa Lachen aro Lachung minggipa biapo sak 1,500-mangna bate songregiparang jachange dongna nangao ga·akaha.
Lachung-o jachange donggipa pilak songregiparangkon adita salrangna skang naljokatna man·ahaoba, Lachen-o jachange donggipa songregiparangkode sako gita naljokataniko dakna nangaha. Mikkarang dondikgija waani a·sel, Mongolbar salo mittamrangko aro da·al chong·motan June jani 4 tariko mitam manderangko naljokatna man·aha. Naljokatna jakkalgipa sildorengrang, Chhaten Army helipad ba sildoreng bilonchakramoni bilchakatenba, manderangko Pakyong-ni Greenfield Airport-ona ra·engenga.
Skotong Minister, Prem Singh Tamang, da·o dipet Lachen aro Lachung biaprangona re·anikosan champengatenga ine u·iatengon, Sikkim a·dokonade songregiparangko nokchakenga aro Mangan-na agreba dam 6 a·jarangni bang·a nitobegipa biaprangkoba re·ange nina gita man·gen ineba ua agandapangkuaha.
Uasan ong·aigija, 2023 GLOF (Glacial Lake Outburst Flood) ba tin·kagimin surirangni jronganichi chi ban re·anio ge 5 dollong-rangko man·galangaha ine u·isretanirangna, Skotong Minister, ia bilsio mikkarang jimbee waangani a·selsa ia dollongrang nosto ong·atako man·aha ineba talate on·angaha.
Mikkangchi iandakgipa neng·nikanirangko champengna gita a·dok sorkari, ma·mong sorkarini dakchakanichi namgijagipa dollongrangko taripiltaina aro mangrakbatatna kamrangko ka·enga ine Skotong Minister agandapangkuaha. Iana agre, Sikkim-ni pilak biaprangan tourist ba songregiparangna naljokan baksana uamangko nokchakna biaprangko kulien donenga ineba Official-rang u·iataha.
Na·simang ia video-koba nina man·gen:
Na·simang iakoba poraina man·gen: Police recruitment porikkako ra·tainchina Mukul dabia
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Instagram- www.instagram.com/ne_media_hub
