Shillong, June 5: Opposition-ni dilgipa Dr. Mukul Sangma Meghalaya Police-ni Central Recruitment Boardko (CRB) adita salrangna skang police recruitment porikkako segiparangni agananirangko knachakchina aro uarangko namatna kam ka·china aganaha.
March-ni 6 tarik, 2024-o on·gipa advertisementko janape, candidaterangni agananirang aro social media-o gatatgiminrango pangchakenba, ia porikka segiminrangko changija, candidaterangko gital dake porikkarangko seatpilna nanga ine Dr Sangma aganaha.
“Police-na seokna advertisementko on·aton, Meghalaya Police Act, 2010 aro dongimin niamrango pangchake pilak dakna nanggnirangko ja·rikna nanga”, ine ua aganaha.
Uandake ua “niamrangko aro ge·etanirangko ja·rikjagenchimode candidaterangko je somoioba ra·galna man·gen aro niamni gita sastiko on·gen” ine general instructions-ni Clause 18 (10)-ko agane, adita salrangna skang CRB-ni janapaniko niatgenchimode ia clause-ko pe·aha aro manderang iani kosako namen agandapaha ine talataha.
Dr. Sangmani aganani gitade, CRB-ni agananirangni gimin a·dokni manderangni chanchibewalanirangko nikna man·aha aro indake ong·engon, uamangni jaja-jiji ong·ani aro ia seokani niamrangna ka·donggijaniko mesokaha.
Na·simang ia video-koba nina man·gen:
Na·simang iakoba poraina man·gen: Raja Raghuwanshiko so•otaniko Tura Mothers Union jegala
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Instagram- www.instagram.com/ne_media_hub
